క్రైమ్ మిర్రర్, సినిమా:- టాలీవుడ్లో తన అందం, నటనతో ప్రత్యేక గుర్తింపు తెచ్చుకున్న నటి నివేథా పేతురాజ్ మళ్లీ వరుస అవకాశాలతో బిజీ అవుతోంది. కొంతకాలంగా సినిమాలకు దూరంగా కనిపించిన ఈ బ్యూటీ, ఇప్పుడు క్రేజీ ప్రాజెక్టులతో మరోసారి వార్తల్లో నిలుస్తోంది. ఇటీవల చిత్ర పరిశ్రమలో పదేళ్లు పూర్తి చేసుకున్న సందర్భంగా అభిమానులతో తన ఆనందాన్ని పంచుకున్న నివేథా.. ఇప్పుడు మెగాస్టార్ చిరంజీవి కొత్త సినిమాలో కీలక పాత్ర దక్కించుకుని అందరి దృష్టిని ఆకర్షిస్తోంది.ఇటీవల ప్రముఖ దర్శకుడు సింగీతం శ్రీనివాసరావు తెరకెక్కించిన సింగీతం చిత్రంలో నివేథా పేతురాజ్ ప్రత్యేక పాత్రలో కనిపించింది. సినిమాలో ఆమె పాత్ర నిడివి తక్కువగానే ఉన్నప్పటికీ, తన నటనతో ప్రేక్షకులను ఆకట్టుకుంది. ఈ సినిమా తర్వాత నివేథాకు మళ్లీ పలు అవకాశాలు వస్తున్నాయని ఇండస్ట్రీ వర్గాలు చెబుతున్నాయి.
ఇదే సమయంలో మెగాస్టార్ చిరంజీవి హీరోగా దర్శకుడు బాబీ కొల్లి తెరకెక్కిస్తున్న భారీ యాక్షన్ ఎంటర్టైనర్ మెగా 158 లో నివేథా పేతురాజ్ కీలక పాత్ర పోషిస్తున్నట్లు సమాచారం. ఇప్పటికే ఈ సినిమాకు సంబంధించిన షూటింగ్ వేగంగా జరుగుతోంది. ఈ ప్రాజెక్ట్లో అవకాశం రావడం నివేథా కెరీర్కు మరో పెద్ద మైలురాయిగా భావిస్తున్నారు.ఇండస్ట్రీలో పదేళ్లు పూర్తి చేసుకున్న సందర్భంగా మెగా 158 సినిమా సెట్స్లోనే నివేథా ప్రత్యేకంగా సెలబ్రేట్ చేసుకుంది. చిత్రబృందం సమక్షంలో కేక్ కట్ చేసి ఈ సందర్భాన్ని గుర్తుండిపోయేలా మార్చుకుంది. దీనికి సంబంధించిన ఫొటోలు సోషల్ మీడియాలో వైరల్ అవుతున్నాయి.
కేవీఎన్ ప్రొడక్షన్స్ బ్యానర్పై రూపొందుతున్న ఈ చిత్రం మొదటి షెడ్యూల్ను తమిళనాడులోని పొల్లాచ్చిలో విజయవంతంగా పూర్తి చేశారు. ఈ షెడ్యూల్లో ప్రధాన నటీనటులపై కీలక సన్నివేశాలు చిత్రీకరించినట్లు సమాచారం. సినిమాలో నివేథాతో పాటు అనస్వరా రాజన్, ప్రియమణి, రచితా రామ్ వంటి నటీమణులు కూడా ముఖ్య పాత్రల్లో కనిపించనున్నారు.రాక్స్టార్ థమన్ సంగీతం అందిస్తున్న ఈ సినిమాపై ఇప్పటికే భారీ అంచనాలు ఉన్నాయి. వరుసగా ఆసక్తికరమైన ప్రాజెక్టులు చేస్తూ ముందుకెళ్తున్న నివేథా పేతురాజ్కు ఈ సినిమా కెరీర్లో మరో కీలక మలుపు కానుందని సినీ వర్గాలు అభిప్రాయపడుతున్నాయి.
