క్రైమ్ మిర్రర్,హైదరాబాద్:- తెలంగాణ రాష్ట్ర సమితి (టీఆర్ఎస్) పేరు మార్పు అంశంపై పార్టీ ఎమ్మెల్సీ కల్వకుంట్ల కవిత స్పష్టమైన వైఖరిని తెలియజేశారు. పార్టీ పేరు మార్చే ప్రసక్తే లేదని ఆమె తేల్చి చెప్పారు. “మా పార్టీ పేరు TRS, కొత్త పేర్లు ఇచ్చేది లేదు” అని ఆమె కుండబద్దలు కొట్టారు.పార్టీ పేరు మార్చుకోవాలని సూచిస్తూ కేంద్ర ఎన్నికల సంఘం (ECI) రాసిన లేఖకు తాము ఇప్పటికే సమాధానం ఇచ్చామని కవిత వెల్లడించారు. ఈ వ్యవహారంలో తమకు అందిన రెండు అభ్యంతరాలకు సంబంధించి కూడా ఎన్నికల సంఘానికి స్పష్టమైన వివరణ ఇచ్చామన్నారు.తమ పార్టీ పేరును కాపాడుకునేందుకు అవసరమైతే ఎంతవరకైనా వెళ్తామని కవిత హెచ్చరించారు. ఈ అంశంపై న్యాయపోరాటానికి కూడా తాము సిద్ధంగా ఉన్నామని ఆమె స్పష్టం చేశారు. కవిత చేసిన ఈ వ్యాఖ్యలు రాష్ట్ర రాజకీయాల్లో ప్రాధాన్యత సంతరించుకున్నాయి.
అమరావతి నేల రాజధానికి పనికిరాదు: సజ్జల రామకృష్ణారెడ్డి సంచలన వ్యాఖ్యలు!
తన సంకల్పం.. 116 ఏళ్ల వయస్సులోనూ ఎంచక్కా తిరుమల కొండ ఎక్కేసింది..!!
