Homeఆంధ్ర ప్రదేశ్ఘోర రోడ్డు ప్రమాదం.. ముగ్గురు దుర్మరణం

ఘోర రోడ్డు ప్రమాదం.. ముగ్గురు దుర్మరణం

క్రైమ్ మిర్రర్ : ఆంధ్రప్రదేశ్‌లో ఘోర రోడ్డు ప్రమాదం చోటుచేసుకుంది. పల్నాడు జిల్లాలోని గామాలపాడు సమీపంలో జరిగిన ఈ ప్రమాదంలో ముగ్గురు ప్రాణాలు కోల్పోగా, పలువురు తీవ్రంగా గాయపడ్డారు. లారీ అదుపుతప్పి డివైడర్‌ను దాటి ఎదురుగా వస్తున్న డీసీఎంను బలంగా ఢీకొట్టడంతో ఈ దుర్ఘటన జరిగింది.

స్థానికుల వివరాల ప్రకారం.. గామాలపాడు సమీపంలో వెళ్తున్న లారీ ఒక్కసారిగా అదుపుతప్పి రోడ్డు మధ్యలో ఉన్న డివైడర్‌ను ఢీకొట్టింది. అనంతరం డివైడర్‌ను దాటి అవతలి వైపు రహదారిపై వెళ్తున్న డీసీఎంను బలంగా ఢీకొట్టింది. ఈ ఘటనతో రెండు వాహనాలు తీవ్రంగా దెబ్బతిన్నాయి. ప్రమాదం ధాటికి వాహనాల్లో ఉన్నవారు తీవ్రంగా గాయపడ్డారు.

ఈ ప్రమాదంలో ముగ్గురు అక్కడికక్కడే మృతి చెందగా, పలువురికి తీవ్ర గాయాలయ్యాయి. ప్రమాదాన్ని గమనించిన స్థానికులు వెంటనే సహాయక చర్యలు చేపట్టి పోలీసులకు సమాచారం అందించారు. ఘటనా స్థలానికి చేరుకున్న పోలీసులు క్షతగాత్రులను, మృతదేహాలను గురజాల ప్రభుత్వ ఆసుపత్రికి తరలించారు. గాయపడిన వారికి వైద్యులు చికిత్స అందిస్తున్నారు.

ఒక్కసారిగా జరిగిన ఈ ప్రమాదంతో స్థానికంగా ఆందోళన నెలకొంది. ప్రమాదం కారణంగా రహదారిపై కొంతసేపు వాహనాల రాకపోకలకు అంతరాయం ఏర్పడింది. పోలీసులు ఘటనా స్థలాన్ని పరిశీలించి ప్రమాదానికి గల కారణాలపై ఆరా తీశారు. ఈ ఘటనపై దాచేపల్లి పోలీసులు కేసు నమోదు చేసుకుని దర్యాప్తు చేపట్టారు. మృతుల వివరాలు, ప్రమాదానికి దారితీసిన పరిస్థితులపై పూర్తి సమాచారం తెలియాల్సి ఉంది.
also read : లంచం తీసుకుంటూ ఏసీబీకి చిక్కిన టోలిచౌక్ ఇన్‌స్పెక్టర్

LEAVE A REPLY

Please enter your comment!
Please enter your name here

తాజావార్తలు