Crimemirror news - Crime Mirror

క్రైమ్ మిర్రర్, వైరల్:- వాట్సాప్ యూజర్లకు అదిరిపోయే కొత్త ఫీచర్ అందుబాటులోకి వస్తోంది. ఇప్పటివరకు ఫోన్ నెంబర్ ఆధారంగానే వాట్సాప్ ఉపయోగించాల్సి వచ్చేది. కానీ ఇకపై యూజర్నేమ్తో కూడా వాట్సాప్ వాడే అవకాశం రానుంది. ఈ కొత్త ఫీచర్తో మీ మొబైల్ నెంబర్ ఇతరులకు కనిపించకుండా దాచుకోవచ్చు. మీకు నచ్చిన యూజర్నేమ్తోనే చాటింగ్ చేయవచ్చు.ప్రైవసీకి ఎక్కువ ప్రాధాన్యం ఇచ్చే యూజర్లకు ఇది చాలా ఉపయోగపడనుంది. ముఖ్యంగా తెలియని వాళ్లతో మాట్లాడాల్సి వచ్చినప్పుడు ఫోన్ నెంబర్ షేర్ చేయాల్సిన అవసరం ఉండదు. యూజర్నేమ్ ద్వారా మాత్రమే కనెక్ట్ కావచ్చు. దీంతో మీ వ్యక్తిగత సమాచారం మరింత సురక్షితంగా ఉంటుంది. ఇప్పటివరకు కాంటాక్ట్స్లో ఫోన్ నెంబర్ ద్వారా మాత్రమే సెర్చ్ చేసే అవకాశం ఉండేది. ఇప్పుడు యూజర్నేమ్తో కూడా సెర్చ్ చేయొచ్చు. టెలిగ్రామ్, ఇన్స్టాగ్రామ్ తరహాలో వాట్సాప్ కూడా ఈ ఫీచర్ తీసుకురావడం యూజర్లలో ఆసక్తి పెంచుతోంది. ఒకసారి యూజర్నేమ్ సెట్ చేసుకుంటే అదే పేరుతో ఇతరులు మిమ్మల్ని సులభంగా కనుగొనవచ్చు. అయితే ప్రతి అకౌంట్కు ఒక యూజర్నేమ్ మాత్రమే ఉంటుంది.ఈ యూజర్నేమ్ను ఎప్పుడైనా మార్చుకునే అవకాశం కూడా ఉంటుంది. మార్చినా మీ చాట్ హిస్టరీ లేదా అకౌంట్ డేటాకు ఎలాంటి ఇబ్బంది ఉండదు. ఫోన్ నెంబర్ మాత్రం అకౌంట్కు లింక్ అయి ఉంటుంది. కానీ అది ఇతరులకు కనిపించదు. యూజర్నేమ్ పెట్టుకోవాలంటే కొన్ని రూల్స్ ఉన్నాయి. పేరు 3 నుంచి 35 అక్షరాల మధ్య ఉండాలి. కనీసం ఒక అక్షరం తప్పనిసరిగా ఉండాలి. చిన్న అక్షరాలు, నెంబర్లు, డాట్స్, అండర్స్కోర్ వాడుకోవచ్చు. అయితే www లేదా .com లాంటి పేర్లు ఉండకూడదు.ఈ ఫీచర్ మీకు వచ్చిందో లేదో తెలుసుకోవాలంటే వాట్సాప్ ఓపెన్ చేసి సెట్టింగ్స్లోకి వెళ్లాలి. అక్కడ ప్రొఫైల్పై ట్యాప్ చేస్తే యూజర్నేమ్ ఆప్షన్ కనిపిస్తుంది. అందులో మీకు నచ్చిన పేరు టైప్ చేస్తే అందుబాటులో ఉంటే వెంటనే సెట్ చేసుకోవచ్చు.మొత్తానికి వాట్సాప్ తీసుకొస్తున్న ఈ కొత్త యూజర్నేమ్ ఫీచర్ యూజర్ల ప్రైవసీని మరింత పెంచబోతోంది. ఫోన్ నెంబర్ చెప్పకుండానే చాటింగ్ చేసే రోజులు ఇక చాలా దగ్గరలోనే ఉన్నాయి.

Tag: Crimemirror news

Most Read

చంద్రబాబుకు తొత్తుగా SEC మారింది: వైయస్ జగన్ తీవ్ర విమర్శలు

భూవీ ఎంపికపై ఇర్ఫాన్ పఠాన్ అసంతృప్తి.. సెలెక్టర్ల తీరుపై ప్రశ్నలు!

దీపావళి వేడుకలు – సుప్రీంకోర్టు కీలక మార్గదర్శకాలు, నిబంధనలు

కాంగ్రెస్‌పై అమిత్ షా తీవ్ర విమర్శలు: ‘ఈవీఎంలు హ్యాక్ అయితే రేవంత్ రెడ్డి సీఎం ఎలా అయ్యారు?

EDITOR PICKS

రష్యా చమురు కొనుగోళ్ల నిలుపుదల అసాధ్యం: నిర్మల సీతారామన్

డ్రగ్స్ రహిత భారతదేశంగా తీర్చిదిద్దటమే కేంద్రం లక్ష్యం : అమిత్ షా

ఏపీ స్థానిక సంస్థల ఎన్నికలు: ఎన్డీఏ కూటమిలో సీట్ల పంపకాలపై ఉత్కంఠ – జనసేన వాటా ఎంత?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags