క్రైమ్ మిర్రర్, తెలంగాణ :- హైదరాబాద్ పర్యటనలో భాగంగా కేంద్ర హోంమంత్రి అమిత్ షా కాంగ్రెస్ పార్టీపై తీవ్రస్థాయిలో విమర్శలు గుప్పించారు. ముఖ్యంగా ఈవీఎంల హ్యాకింగ్ వ్యవహారంపై కాంగ్రెస్ చేస్తున్న ఆరోపణలను ఆయన గట్టిగా తిప్పికొట్టారు. “ఒకవేళ ఈవీఎంలు నిజంగానే హ్యాక్ అయి ఉంటే, తెలంగాణలో రేవంత్ రెడ్డి ఏ విధంగా ముఖ్యమంత్రి అయ్యారు?” అని ప్రశ్నించారు.ఢిల్లీలో కాంగ్రెస్ నిర్వహించిన ‘ఓట్ బచావో’ ర్యాలీపై కూడా ఆయన మండిపడ్డారు. అది ఓట్లను రక్షించే ర్యాలీ కాదని, దేశంలోకి వచ్చే చొరబాటుదారులకు మద్దతుగా చేపట్టిన ర్యాలీ అని ఆరోపించారు. దేశవ్యాప్తంగా 13 కోట్ల ఓట్ల తొలగింపు జరిగిందని కాంగ్రెస్ అగ్రనేత రాహుల్ గాంధీ పచ్చి అబద్ధాలు ప్రచారం చేస్తున్నారని అమిత్ షా తీవ్రంగా ధ్వజమెత్తారు.
వృద్దురాలి అనుమానాస్ప‌ద మృతి…!
తెలంగాణ ప్రజలు మార్పును కోరుకుంటున్నారని, రాష్ట్రంలో కాంగ్రెస్ ప్రభుత్వాన్ని గద్దె దించి, భారతీయ జనతా పార్టీ (బీజేపీ) ప్రభుత్వాన్ని అధికారంలోకి తీసుకొచ్చే సమయం ఆసన్నమైందని ఆయన ధీమా వ్యక్తం చేశారు. తెలంగాణాలో రానున్న రోజుల్లో బిజెపి జెండా ఎగరడం ఖాయమని స్పష్టం చేశారు.