Crime Mirror, Cinema Updates: సూపర్ స్టార్ మహేష్ బాబు, దర్శకధీరుడు ఎస్.ఎస్. రాజమౌళి కాంబినేషన్లో తెరకెక్కుతున్న భారీ చిత్రం ప్రస్తుతం దేశవ్యాప్తంగా చర్చనీయాంశంగా మారింది. భారీ బడ్జెట్తో రూపొందుతున్న ఈ అడ్వెంచర్ థ్రిల్లర్పై ఇప్పటికే అంచనాలు ఆకాశాన్నంటుతున్నాయి.
ఇటీవల విడుదలైన గ్లింప్స్, ఫస్ట్ లుక్ ప్రేక్షకులను ఆకట్టుకోగా.. ఇప్పుడు ఈ సినిమా కొత్త షెడ్యూల్కు సంబంధించిన వార్తలు సోషల్ మీడియాలో వైరల్ అవుతున్నాయి.
Also Read: AP Teachers: ఆ 29 మంది టీచర్లకు బంపర్ ఛాన్స్..!
విశాఖలో కీలక షెడ్యూల్
సినీ వర్గాల సమాచారం ప్రకారం చిత్రబృందం తదుపరి షెడ్యూల్ కోసం విశాఖపట్నం చేరుకున్నట్లు తెలుస్తోంది. ఇప్పటికే హైదరాబాద్, వారణాసిలో కీలక సన్నివేశాలు చిత్రీకరించిన మేకర్స్.. ఇప్పుడు వైజాగ్లోని అందమైన లొకేషన్లలో కొన్ని ప్రధాన సన్నివేశాలను తెరకెక్కించనున్నారట.
Also Read: US- Iran Deal: యుద్ధానికి ముగింపు.. ఇరాన్ తో డీల్ కుదిరిందన్న ట్రంప్!
దర్శకుడు రాజమౌళి తన టెక్నికల్ టీమ్తో కలిసి లొకేషన్ల పరిశీలన కూడా పూర్తి చేసినట్లు ప్రచారం జరుగుతోంది. ఈ షెడ్యూల్లో మహేష్ బాబు పాల్గొంటారని వార్తలు వినిపించడంతో అభిమానుల్లో మరింత ఆసక్తి పెరిగింది.
ఎన్టీఆర్ తనయుడి ఎంట్రీ
ఇక ఈ సినిమాకు సంబంధించి మరో ఆసక్తికర వార్త కూడా సోషల్ మీడియాలో హల్చల్ చేస్తోంది. జూనియర్ ఎన్టీఆర్ చిన్న కుమారుడు భార్గవ్ రామ్ ఈ చిత్రంలో బాలనటుడిగా కనిపించే అవకాశం ఉందని టాలీవుడ్ వర్గాల్లో టాక్ నడుస్తోంది. సినిమాలో మహేష్ బాబు చిన్ననాటి పాత్ర కోసం భార్గవ్ను పరిశీలిస్తున్నారనే ప్రచారం జరుగుతోంది. ఎన్టీఆర్, రాజమౌళి, మహేష్ బాబుల మధ్య ఉన్న ప్రత్యేక అనుబంధం కారణంగా ఈ వార్తకు మరింత బలం చేకూరుతోంది.
Also Read: తొలి వరల్డ్ కప్లోనే డబుల్ గోల్డ్… తుర్కియేలో ధీరజ్ బొమ్మదేవర సంచలనం!
అయితే ఈ విషయాలపై చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు. అయినప్పటికీ విశాఖ షెడ్యూల్, భార్గవ్ రామ్ ఎంట్రీ వార్తలు సోషల్ మీడియాలో వైరల్ అవుతూ అభిమానుల్లో భారీ చర్చకు దారితీశాయి. ఒకవేళ ఈ ప్రచారం నిజమైతే, ఈ సినిమా ద్వారా మరో స్టార్ కిడ్ వెండితెరపై అడుగుపెట్టినట్లే అవుతుంది. ప్రస్తుతం అభిమానులంతా మేకర్స్ నుంచి అధికారిక అప్డేట్ కోసం ఆసక్తిగా ఎదురుచూస్తున్నారు.
Also Read: సంగారెడ్డిలో అరుదైన ఖనిజ సంపద – కేంద్ర సంస్థకు పర్వతపూర్ గనులు
