Homeక్రైమ్వేధింపుల ఆరోపణలతో వివాహిత ఆత్మహత్యాయత్నం.. టీడీపీ నేతపై బంధువుల దాడి

వేధింపుల ఆరోపణలతో వివాహిత ఆత్మహత్యాయత్నం.. టీడీపీ నేతపై బంధువుల దాడి

నెల్లూరు జిల్లాలోని బోగోలు మండలం అల్లూరు గ్రామంలో కలకలం రేపే ఘటన చోటుచేసుకుంది. ఓ వివాహితని టీడీపీ నాయకుడు సుభాని వేధించాడనే ఆరోపణలు వెలువడ్డాయి. తన మాట వినకపోతే తీవ్ర పరిణామాలు ఎదుర్కోవాల్సి వస్తుందని బెదిరించినట్లు యువతి కుటుంబ సభ్యులు ఆరోపిస్తున్నారు.

ఈ పరిణామాలతో తీవ్ర మనస్తాపానికి గురైన యువతి బుధవారం ఆత్మహత్యాయత్నానికి పాల్పడినట్లు సమాచారం. విషయం గుర్తించిన కుటుంబ సభ్యులు వెంటనే ఆమెను ఆసుపత్రికి తరలించారు. ప్రస్తుతం ఆమెకు వైద్యులు చికిత్స అందిస్తున్నట్లు తెలుస్తోంది.

యువతి ఆత్మహత్యాయత్నం విషయం తెలుసుకున్న ఆమె బంధువులు ఆగ్రహానికి గురయ్యారు. సుభానిని అడ్డుకుని నిలదీశారు. ఈ క్రమంలో అతడిపై దాడి చేసినట్లు సమాచారం.

ఈ ఘటనతో అల్లూరు ప్రాంతంలో ఉద్రిక్త వాతావరణం నెలకొంది. యువతి కుటుంబ సభ్యులు చేసిన ఆరోపణలపై పోలీసులు విచారణ చేపట్టాల్సి ఉంది. ఘటనకు సంబంధించి పూర్తి వివరాలు, తదుపరి పోలీసుల చర్యలపై స్పష్టత రావాల్సి ఉంది.

also read: హైవే పక్కనే వ్యభిచార ముఠా.. 16 మంది అదుపులోకి

తాజావార్తలు