Homeజాతీయంకలలో కనిపించిన వజ్రాలు.. నిజ జీవితంలో వరించిన అదృష్టం.. ఆటో డ్రైవర్‌కు రూ.15 లక్షల విలువైన...

కలలో కనిపించిన వజ్రాలు.. నిజ జీవితంలో వరించిన అదృష్టం.. ఆటో డ్రైవర్‌కు రూ.15 లక్షల విలువైన వజ్రం!

మధ్యప్రదేశ్‌లో ఓ సాధారణ ఆటో డ్రైవర్‌కు అనూహ్యమైన అదృష్టం కలిసొచ్చింది. కలలో వజ్రాలు కనిపించాయన్న నమ్మకంతో తవ్వకాలు ప్రారంభించిన అతడికి నిజంగానే విలువైన వజ్రం లభించింది. పన్నా జిల్లాకు చెందిన సోను రైక్వార్‌కు ఈ అరుదైన అదృష్టం వరించింది.

సోను రైక్వార్ గత కొన్ని రోజులుగా తన కలల్లో వజ్రాలు కనిపిస్తున్నాయని గుర్తించాడు. దీంతో ఆ కలను నిజం చేసుకోవాలనే ఆశతో పన్నా డైమండ్ కార్యాలయాన్ని సంప్రదించాడు. అక్కడి నుంచి నిబంధనల ప్రకారం భూమిని లీజుకు తీసుకుని వజ్రాల కోసం తవ్వకాలు మొదలుపెట్టాడు. సుమారు 15 రోజుల పాటు ఎంతో శ్రమించిన అతడి ప్రయత్నం చివరకు ఫలించింది.

నవంబర్ 20, శుక్రవారం తవ్వకాలు జరుపుతుండగా 3.17 క్యారెట్ల బరువున్న వజ్రం బయటపడింది. దీని మార్కెట్ విలువ సుమారు రూ.15 లక్షలు ఉంటుందని అధికారులు ప్రాథమికంగా అంచనా వేస్తున్నారు. అనూహ్యంగా లభించిన ఈ విలువైన వజ్రాన్ని సోను తన వద్దే ఉంచుకోకుండా సంబంధిత అధికారులకు అప్పగించాడు.

ప్రభుత్వ నిబంధనల ప్రకారం ఈ వజ్రాన్ని రాబోయే రోజుల్లో వేలం వేయనున్నారు. వేలంలో వచ్చిన మొత్తంలో ప్రభుత్వ రాయల్టీ, ఇతర నిబంధనల ప్రకారం మినహాయింపుల అనంతరం మిగిలిన డబ్బు సోనుకు అందనుంది. కలలో కనిపించిన వజ్రం కోసం ప్రయత్నం మొదలుపెట్టిన ఓ ఆటో డ్రైవర్‌కు నిజంగానే విలువైన వజ్రం దొరకడం ప్రస్తుతం స్థానికంగా ఆసక్తికరంగా మారింది.

also read: కొడుకు పుట్టలేదని భార్యకు ఫోన్‌లో ట్రిపుల్ తలాక్.. హైదరాబాద్‌లో కలకలం!

LEAVE A REPLY

Please enter your comment!
Please enter your name here

తాజావార్తలు