తెలంగాణ

తెలంగాణ రాష్ట్రంలో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు ఊరటనిచ్చే దిశగా రాష్ట్ర ప్రభుత్వం కీలక నిర్ణయం తీసుకునే అవకాశాలు కనిపిస్తున్నాయి. ప్రభుత్వ ఉద్యోగ నియామకాల నోటిఫికేషన్లలో వయో పరిమితిని పెంచే అంశంపై ప్రస్తుతం ఉన్నతస్థాయిలో చర్చలు జరుగుతున్నట్లు సమాచారం. గత కొన్నేళ్లుగా ఉద్యోగ నోటిఫికేషన్లు ఆలస్యమవడం వల్ల వేలాది మంది అభ్యర్థులు వయోపరిమితి దాటిపోయి అవకాశాలు కోల్పోయిన నేపథ్యంలో ప్రభుత్వం ఈ అంశాన్ని సీరియస్గా పరిశీలిస్తున్నట్లు తెలుస్తోంది. దీంతో ఉద్యోగార్థుల్లో కొత్త ఆశలు చిగురిస్తున్నాయి. తెలంగాణ రాష్ట్ర అవతరణ తర్వాత 2022లో అప్పటి ప్రభుత్వం నిరుద్యోగులకు ప్రత్యేక వయో సడలింపు కల్పించింది. ఆ నిర్ణయం ప్రకారం జనరల్ అభ్యర్థులకు గరిష్ఠ వయో పరిమితిని 44 ఏళ్ల వరకు పెంచగా, రిజర్వ్ వర్గాలకు 49 ఏళ్ల వరకు అవకాశం ఇచ్చారు. అలాగే దివ్యాంగ అభ్యర్థులకు 54 ఏళ్ల వరకు సడలింపు కల్పించారు. అయితే ఈ వయో సడలింపు గడువు ఈ ఏడాది ఫిబ్రవరిలో ముగియడంతో, మళ్లీ చాలా మంది అభ్యర్థులు ఆందోళన చెందుతున్నారు. ముఖ్యంగా నోటిఫికేషన్లు ఆలస్యం కావడం వల్ల ఉద్యోగాలకు దరఖాస్తు చేసే అర్హత కోల్పోయిన అభ్యర్థులు ప్రభుత్వాన్ని వయో పరిమితి పెంచాలని కోరుతున్నారు. ప్రస్తుతం ప్రభుత్వం రెండు ప్రధాన ప్రతిపాదనలను పరిశీలిస్తున్నట్లు సమాచారం. జనరల్ కేటగిరీ అభ్యర్థులకు మరో 5 ఏళ్ల వయో సడలింపు ఇవ్వాలా లేదా ఎస్సీ, ఎస్టీ, బీసీ, ఈడబ్ల్యూఎస్ వర్గాలకు 10 ఏళ్ల వరకు సడలింపు కల్పించాలా అనే అంశంపై చర్చలు జరుగుతున్నాయి. అయితే విద్యార్థి సంఘాలు, నిరుద్యోగ సంఘాలు మాత్రం అన్ని వర్గాలకు సమానంగా 10 ఏళ్ల వయో సడలింపు ఇవ్వాలని ప్రభుత్వాన్ని డిమాండ్ చేస్తున్నాయి. ఉద్యోగ నియామకాల ప్రక్రియ ఆలస్యం కావడం వల్లే అభ్యర్థులు నష్టపోయారని, అందుకే అందరికీ సమాన న్యాయం చేయాలని వారు కోరుతున్నారు. ఇటీవలి రోజుల్లో పలువురు ప్రజాప్రతినిధులు కూడా ఈ అంశాన్ని ప్రభుత్వ దృష్టికి తీసుకెళ్లారు. శాసనసభ, శాసన మండలి సభ్యులు ముఖ్యమంత్రి రేవంత్ రెడ్డిని కలిసి ఉద్యోగ నోటిఫికేషన్లలో వయో సడలింపు పెంచాలని విజ్ఞప్తి చేసినట్లు సమాచారం. అలాగే ఎమ్మెల్సీ కోదండరామ్, అద్దంకి దయాకర్ కూడా డిప్యూటీ సీఎం భట్టి విక్రమార్కను కలిసి ఇదే అంశాన్ని ప్రస్తావించారు. గతంలో ఉద్యోగ నోటిఫికేషన్లు విడుదలలో జాప్యం జరగడంతో అనేక మంది యువత ఉద్యోగ అవకాశాలు కోల్పోయారని వారు ప్రభుత్వానికి గుర్తుచేసినట్లు తెలుస్తోంది. ఈ ప్రతిపాదనలపై ప్రభుత్వం సానుకూలంగా స్పందించినట్లు సమాచారం. ప్రస్తుతం వివిధ శాఖల నుంచి నివేదికలు సేకరిస్తున్న ప్రభుత్వం త్వరలోనే తుది నిర్ణయం తీసుకునే అవకాశాలు కనిపిస్తున్నాయి. నిరుద్యోగ యువత ఎదురుచూస్తున్న ఈ అంశంపై త్వరలోనే అధికారిక ప్రకటన వెలువడే అవకాశం ఉందని రాజకీయ, అధికార వర్గాల్లో చర్చ జరుగుతోంది. ప్రభుత్వం వయో సడలింపుపై అనుకూల నిర్ణయం తీసుకుంటే వేలాది మంది నిరుద్యోగులకు మళ్లీ ప్రభుత్వ ఉద్యోగాల కోసం పోటీ చేసే అవకాశం లభించనుంది ALSO READ: ప్రమాణ స్వీకారాన్ని అడ్డుకున్న గవర్నర్.. స్పందించిన మంత్రి సత్య కుమార్ యాదవ్!

రేగా కాంతారావుకు హైకోర్టులో ఊరట.. లైంగిక వేధింపుల కేసు కొట్టివేత

22A భూముల వ్యవహారంపై హరీశ్ రావు సంచలన ఆరోపణలు.. రాహుల్ గాంధీకి బహిరంగ లేఖ

సినిమాల్లోకి కేటీఆర్ తనయుడు…!

బడంగ్‌పేట్ మున్సిపల్ కార్పొరేషన్ అధికారుల తీరుపై తీవ్ర అసంతృప్తి..!

సిద్దిపేట‌లో ఘోర విషాదం….! బావిలో కారుప‌డి న‌లుగురు మృతి…

Most Read

జపాన్‌లో ‘మిరాయ్’ జోరు.. అడ్వాన్స్ బుకింగ్స్‌లో అదరగొడుతున్న తేజ సజ్జా సినిమా!

నాగపంచమి వేళ వింత ఆచారం.. గడ్డి తింటున్న 70 ఏళ్ల వృద్ధుడు.. చూసేందుకు పోటెత్తిన జనం

రేగా కాంతారావుకు హైకోర్టులో ఊరట.. లైంగిక వేధింపుల కేసు కొట్టివేత

22A భూముల వ్యవహారంపై హరీశ్ రావు సంచలన ఆరోపణలు.. రాహుల్ గాంధీకి బహిరంగ లేఖ

EDITOR PICKS

జపాన్‌లో ‘మిరాయ్’ జోరు.. అడ్వాన్స్ బుకింగ్స్‌లో అదరగొడుతున్న తేజ సజ్జా సినిమా!

నాగపంచమి వేళ వింత ఆచారం.. గడ్డి తింటున్న 70 ఏళ్ల వృద్ధుడు.. చూసేందుకు పోటెత్తిన జనం

రేగా కాంతారావుకు హైకోర్టులో ఊరట.. లైంగిక వేధింపుల కేసు కొట్టివేత

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags