రాజకీయం

కేంద్ర పెద్దల వ్యూహం కేంద్ర మంత్రి హెచ్ డి కుమారస్వామి ద్వారా ప్రయత్నం క్రైమ్ మిర్రర్, ఏపీ బ్యూరో: ఏపీలో రాజ్యసభ ఎన్నికల సందడి మొదలైంది. నలుగురు సభ్యులు రాష్ట్రం నుంచి పదవీ విరమణ చేయడంతో వారి స్థానంలో కొత్త వారి ఎన్నిక జరగనుంది. ఈనెల 18న ఎమ్మెల్యేలు రాజ్యసభ సభ్యులను ఎన్నుకోనున్నారు. అయితే కూటమికి ఏకపక్ష బలం ఉండడంతో నాలుగు పదవులు దక్కనున్నాయి. అయితే ఈసారి బిజెపికి చాన్స్ లేదని ప్రచారం నడుస్తోంది. కూటమి అధికారంలోకి వచ్చిన తర్వాత రెండు రాజ్యసభ పదవులను బిజెపికి ఇచ్చింది టిడిపి. జనసేనకు ఇంతవరకు ప్రాతినిధ్యం లేదు. అందుకే ఒక పదవి జనసేనకు ఇచ్చి.. మిగతా మూడు పదవులు టిడిపి తీసుకోవాలని భావిస్తోంది. ఇదే విషయాన్ని రాష్ట్ర బిజెపికి తెలియజేశారు చంద్రబాబు. బిజెపి కి నో ఛాన్స్.. దేశవ్యాప్తంగా పది రాష్ట్రాల నుంచి 24 మంది రాజ్యసభ సభ్యులు పదవీ విరమణ చేస్తున్నారు. అయితే ఇందులో నేరుగా 11 మంది రాజ్యసభ సభ్యులను బిజెపి దక్కించుకోనుంది. ఓ ఆరు చోట్ల మాత్రం ఎన్డీఏ భాగస్వామ్య పక్షాలు బలంగా ఉన్నాయి. అందులో ఏపీ నుంచి నాలుగు రాజ్యసభ స్థానాలు రానున్నాయి. అయితే ఈసారి బిజెపికి చాన్స్ ఇవ్వకూడదు అని చంద్రబాబు భావిస్తున్నట్లు వార్తలు వస్తున్నాయి. కానీ బిజెపి ఆలోచన వేరే విధంగా ఉంది. ఏపీ నుంచి ఎలాగైనా ఒక్క సీటు పొందాలన్న ఆలోచనలు సరికొత్తగా ఒక ప్రణాళిక రూపొందించింది. కర్ణాటక నుంచి కాకుండా ఏపీ నుంచి... కర్ణాటకలో జెడిఎస్ కీలక భాగస్వామి. మాజీ ప్రధాని దేవే గౌడ కర్ణాటక నుంచి ఖాళీ అవుతున్న రాజ్యసభ సీట్లు కోరుకుంటున్నారు. ఎందుకంటే ఎన్డీఏ భాగస్వామ్య పక్షంగా ఉంది జెడిఎస్. దేవే గౌడ కుమారుడు కుమారస్వామి కేంద్ర మంత్రివర్గంలో ఉన్నారు. పొత్తులో భాగంగా కర్ణాటక నుంచి ఖాళీ అవుతున్న రాజ్యసభ పదవి తన తండ్రికి ఇవ్వాలని కుమారస్వామి బలంగా కోరుతున్నారు. అయితే అక్కడ బిజెపి నేత సదానంద గౌడ కు పదవి ఇచ్చేందుకు హైకమాండ్ నిర్ణయించింది. అందుకే ఏపీ నుంచి దేవే గౌడకు అవకాశం ఇవ్వాలని కోరుతోంది. చంద్రబాబుకు దేవే గౌడతోపాటు కుమారస్వామి అత్యంత సన్నిహితులు. అందుకే వారి ద్వారా ప్రయత్నాలు చేస్తోంది. వారితో సాన్నిహిత్యం ఉండడం, కేంద్ర పెద్దలు కోరుతుండడంతో.. ఏపీ నుంచి తప్పకుండా దేవి గౌడ కు రాజ్యసభ పదవి వచ్చే అవకాశం ఉంది.

భర్త కోసం వెతుకుతున్న భార్య.. సీఎం విజయ్‌పై ఉదయనిధి స్టాలిన్ పర్సనల్ అటాక్!!

కేంద్ర మంత్రి పదవికి జార్జ్ కురియన్ రాజీనామా.. ఆమోదించిన రాష్ట్రపతి!

అసెంబ్లీలో సీఎం విజయ్ సంచలన ప్రకటన.. నాస్తికత్వంపై హాట్ కామెంట్స్.!

మమతా బెనర్జీకి బిగ్ షాక్.. పార్టీ అధ్యక్ష పదవి నుంచి తొలగించిన తిరుగుబాటు ఎమ్మెల్యేలు!!

ఏపీ స‌ర్కార్ కీల‌క నిర్ణ‌యం…అంత‌రాష్ట్ర బదిలీలకు గ్రీన్ సిగ్నల్…!

Most Read

ఏపీలో 28న పల్స్ పోలియో: 49.20 లక్షల మంది చిన్నారులకు చుక్కలు

ముంబై ఇండియన్స్‌కు హార్దిక్ పాండ్యా గుడ్‌బై? ట్రేడింగ్‌పై కన్నేసిన కేకేఆర్, రాజస్థాన్ రాయల్స్!

El Nino Impact: ఎల్‌నినో ఎఫెక్ట్.. ఏపీ, తెలంగాణ సహా 111 జిల్లాలకు కరువు!

Nivetha Pethuraj: పెళ్లి ఆగితే లక్ కలిసి వస్తుందా? నివేతా పేతురాజ్ కెరీర్‌పై ఆసక్తికర చర్చ!

EDITOR PICKS

ఏపీలో 28న పల్స్ పోలియో: 49.20 లక్షల మంది చిన్నారులకు చుక్కలు

ముంబై ఇండియన్స్‌కు హార్దిక్ పాండ్యా గుడ్‌బై? ట్రేడింగ్‌పై కన్నేసిన కేకేఆర్, రాజస్థాన్ రాయల్స్!

El Nino Impact: ఎల్‌నినో ఎఫెక్ట్.. ఏపీ, తెలంగాణ సహా 111 జిల్లాలకు కరువు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel