జగిత్యాల జిల్లాలోని ఎండపల్లి మండలం రాజారాంపల్లి గ్రామంలో తీవ్ర విషాదం చోటుచేసుకుంది. ఇంట్లో ఛార్జింగ్‌లో ఉన్న ఎలక్ట్రిక్ కాంటా చిన్నారి ప్రాణాలను బలిగొంది. ఈ ప్రమాదంలో కేవలం 10 నెలల వయసున్న పసికందు విద్యుత్ షాక్‌కు గురై మృతి చెందింది.
ఇంట్లో ఛార్జింగ్ అవుతున్న ఎలక్ట్రిక్ కాంటాను చిన్నారి తాకడంతో విద్యుత్ షాక్‌కు గురైనట్లు సమాచారం. ఈ ఘటనతో కుటుంబ సభ్యులు తీవ్ర విషాదంలో మునిగిపోయారు. చేతికి అందినంత ఎత్తులో ఆడుకుంటూ తిరగాల్సిన చిన్నారి విగతజీవిగా మారడంతో తల్లిదండ్రులు కన్నీరుమున్నీరవుతున్నారు. గ్రామంలోనూ విషాద ఛాయలు అలముకున్నాయి.
తల్లిదండ్రులకు సూచన: ఇళ్లలో ఎలక్ట్రిక్ పరికరాలను ఉపయోగించే సమయంలో చిన్నారుల భద్రతపై ప్రత్యేక శ్రద్ధ తీసుకోవాలి. మొబైల్ ఛార్జర్లు, వాటర్ హీటర్లు, ఎలక్ట్రిక్ కాంటాలు వంటి పరికరాలను పిల్లలకు అందనంత దూరంలో ఉంచాలి. ఛార్జింగ్ పూర్తయిన తర్వాత ప్లగ్‌ను తొలగించాలి. చిన్నారులు విద్యుత్ ప్రమాదాల బారిన పడకుండా తగిన జాగ్రత్తలు పాటించడం ఎంతో ముఖ్యం.
also read: భర్తను హత్య చేసిన భార్య.. ప్రియుడితో కలిసి మృతదేహం తరలింపు!