Crime Mirror, Tollywood Updates: తెలుగు బుల్లితెరపై తనదైన శైలిలో ప్రేక్షకులను అలరిస్తూ స్టార్ యాంకర్గా గుర్తింపు తెచ్చుకున్న శ్రీముఖి మరోసారి వార్తల్లో నిలిచింది. యాంకరింగ్తో పాటు సినిమాలు, రియాలిటీ షోల ద్వారా భారీ ఫ్యాన్ ఫాలోయింగ్ సంపాదించుకున్న ఆమె తాజాగా తన పెళ్లి గురించి చేసిన వ్యాఖ్యలు సోషల్ మీడియాలో వైరల్గా మారాయి.
Also Read: ఏపీలో వారందరికీ రూ.4 వేలు.. – Crime Mirror
చిన్న వయసులోనే కెరీర్ ప్రారంభించిన శ్రీముఖి, తక్కువ సమయంలోనే టాలీవుడ్లో అత్యధిక పారితోషికం తీసుకునే యాంకర్లలో ఒకరిగా ఎదిగింది. తన చురుకైన మాటతీరు, ఎనర్జిటిక్ ప్రెజెంటేషన్తో ప్రేక్షకుల మనసులు గెలుచుకుంది. ముఖ్యంగా పటాస్ షోతో ఆమెకు వచ్చిన గుర్తింపు కెరీర్ను మరో స్థాయికి తీసుకెళ్లింది. ఆ తర్వాత ప్రముఖ టీవీ ఛానళ్లలో ప్రసారమైన ఎన్నో షోలకు హోస్ట్గా వ్యవహరించి స్టార్ యాంకర్గా తన స్థానాన్ని బలపరుచుకుంది.
Also Read: ప్రభాస్ అభిమానులకు గుడ్ న్యూస్.. ఫౌజీ కీలక షెడ్యూల్ పూర్తి! – Crime Mirror
టెలివిజన్తో పాటు సినిమాల్లో కూడా శ్రీముఖి తన ప్రతిభను చాటుకుంది. జులాయి, ప్రేమ ఇష్క్ కాదల్, నేను శైలజ వంటి చిత్రాల్లో నటించి ప్రేక్షకుల ప్రశంసలు అందుకుంది. అలాగే బిగ్ బాస్ తెలుగు సీజన్ 3లో పాల్గొని రన్నరప్గా నిలవడం ఆమె కెరీర్లో కీలక మలుపుగా మారింది. ఆ షో తర్వాత ఆమెకు వచ్చిన క్రేజ్ మరింత పెరిగింది.
ప్రస్తుతం సమంత ప్రధాన పాత్రలో తెరకెక్కిన మా ఇంటి బంగారం సినిమాలో శ్రీముఖి కీలక పాత్రలో నటిస్తోంది. జూన్ 19న ఈ చిత్రం ప్రేక్షకుల ముందుకు రానున్న నేపథ్యంలో నిర్వహించిన ప్రీ-రిలీజ్ ఈవెంట్లో ఆమె తన వ్యక్తిగత జీవితానికి సంబంధించిన ఆసక్తికర విషయాలను పంచుకుంది.
Also Read: వైసీపీ సానుభూతిపరుల ఓట్లు తొలగించే ప్రమాదం.. జగన్ హెచ్చరిక.! – Crime Mirror
ఈ సందర్భంగా పెళ్లి గురించి మాట్లాడిన శ్రీముఖి, ఈ సినిమా ప్రారంభమైన సమయంలో సమంత పెళ్లి జరిగింది. ఇప్పుడు సినిమా విడుదలకు సిద్ధమైంది. ఈ చిత్రం పెద్ద విజయం సాధించిన తర్వాత నా పెళ్లి కూడా జరగాలని కోరుకుంటున్నాను అని చెప్పింది. అలాగే పెళ్లికొడుకు కోసం ఎదురుచూస్తున్నాను. సరైన వ్యక్తి దొరికిన వెంటనే పెళ్లి చేసుకుంటాను అంటూ నవ్వుతూ స్పందించింది.
శ్రీముఖి చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. ఇక ఆమె పెళ్లి ఎప్పుడు జరుగుతుందా అని అభిమానులు ఆసక్తిగా ఎదురుచూస్తున్నారు.
Also Read: జనసేనలో చేరికకు గ్రీన్ సిగ్నల్…! – Crime Mirror
Also Read: TG20కు బ్రాండ్ అంబాసిడర్గా విజయ్ దేవరకొండ.. – Crime Mirror
