-
ఎచ్చెర్ల సీటుపై ఇద్దరు నేతల కన్ను
-
మెగా బ్రదర్ నాగబాబు సైతం..
క్రైమ్ మిర్రర్, ఏపీ బ్యూరో: ఏపీలో కీలక నియోజకవర్గం శ్రీకాకుళం జిల్లా ఎచ్చెర్ల ఒకటి. ఇక్కడ నుంచి కావలి ప్రతిభా భారతి, కిమిడి కళా వెంకట్రావు లాంటి వారు ప్రాతినిధ్యం వహించారు. మొన్నటి ఎన్నికల్లో ఇక్కడ నుంచి బిజెపి అభ్యర్థి నడికుదుటి ఈశ్వరరావు గెలిచారు పొత్తులో భాగంగా. అయితే ఈ సారి ఈ సీటు టిడిపి తీసుకుంటుందన్న ప్రచారం నడుస్తోంది. అదే జరిగితే కొత్త అభ్యర్థి రంగంలోకి దిగడం ఖాయం.
-
హేమహేమీలు ప్రాతినిధ్యం..
1983 నుంచి 1999 వరకు వరుసగా ఎచ్చెర్ల నియోజకవర్గం నుంచి గెలిచారు ప్రతిభా భారతి. ఎస్సీ రిజర్వుడ్ నియోజకవర్గంగా ఉన్న ఎచ్చర్లలో ఆమె అప్రతిహసంగా విజయం సాధిస్తూ వచ్చారు. అయితే 2004లో మాత్రం ఆమె ఓడిపోయారు. 2009 నుంచి ఎస్సీ కాస్త బీసీ జనరల్ గా మారింది.
Also Read: టాలీవుడ్లో మళ్లీ మురారి బ్యూటీ సందడి…! – Crime Mirror
2009లో మీసాల నీలకంఠం నాయుడు, 2014లో కిమిడి కళా వెంకట్రావు, 2019లో గొర్ల కిరణ్ గెలిచారు ఈ నియోజకవర్గం నుంచి. 2024 లో మాత్రం పొత్తులో భాగంగా బిజెపికి కేటాయించారు. ఆ పార్టీ అభ్యర్థిగా బరిలో దిగిన ఈశ్వరరావు విజయం సాధించారు.
-
నాగబాబు సైతం దృష్టి..
వచ్చే ఎన్నికల్లో ఈ సీటు టిడిపికి కేటాయిస్తారన్న ప్రచారం నడుస్తోంది. మరోవైపు జనసేన సైతం కర్చీఫ్ వేసిందన్న టాక్ ఉంది. మెగా బ్రదర్ నాగబాబు ఈ నియోజకవర్గంలో ప్రత్యేకంగా దృష్టి సారించినట్లు ప్రచారం ఉంది. మరోవైపు తెలుగుదేశం ఈ సీటు తీసుకుంటే పోటీ చేసేందుకు సిట్టింగ్ ఎంపీ కలిశెట్టి అప్పలనాయుడు ప్రయత్నంలో ఉన్నట్లు ప్రచారం నడుస్తోంది.
మొన్నటి ఎన్నికల్లో ఎచ్చెర్ల నియోజకవర్గం సీటు కేటాయించారు. కానీ వివిధ సమీకరణలో భాగంగా ఆయనకు ఎంపీగా అవకాశం ఇచ్చారు చంద్రబాబు. అనూహ్యంగా బిజెపికి ఈ సీటు కేటాయించారు. అయితే 2019 ఎన్నికల వరకు టిడిపిలో ఉండి.. ఆ పార్టీ ఓడిపోయిన తర్వాత బిజెపిలో చేరారు ఈశ్వరరావు. కమ్మ సామాజిక వర్గానికి చెందిన ఈశ్వరరావుకు బిజెపి హై కమాండ్ సీటు ఇచ్చింది.
అప్పట్లో బీజేపీ రాష్ట్ర అధ్యక్షురాలిగా ఉన్న పురందేశ్వరి ఈ సీటు కేటాయించారు ఈశ్వరరావుకు. ఈసారి మాత్రం కలిశెట్టి అప్పలనాయుడు సీటు ఆశిస్తున్నారు. కానీ నడికుదుటి ఈశ్వరరావుకు మంత్రి నారా లోకేష్ తో మంచి సంబంధాలు ఉన్నాయి.
అవసరం అనుకుంటే ఈశ్వరరావు టిడిపిలోకి వచ్చేందుకు సిద్ధమే అన్న ప్రచారం నడుస్తోంది. మొత్తానికి అయితే ఎన్నికలు ఇంకా మూడు సంవత్సరాలు ఉండగా.. ఎమ్మెల్యే టికెట్ కోసం ఇప్పటి నుంచే పోటీ ప్రారంభం కావడం విశేషం.
Also Read: ఇంట్లో వైఫై స్లోగా ఉందా…? అయితే ఇలా చెయ్యండి…! – Crime Mirror
