క్రైమ్ మిర్రర్, తెలంగాణ సినిమా బ్యూరో: బుచ్చిబాబు సానా దర్శకత్వంలో రామ్ చరణ్ హీరోగా వస్తున్న ‘పెద్ది’ సినిమా షూటింగ్ సెట్స్కు మెగాస్టార్ చిరంజీవి వెళ్లిన మాట నిజమే. అయితే, ఆయన అక్కడ గంటన్నర పాటు గడిపారని వస్తున్న వార్తల్లో చిన్న సవరణ ఉంది.
చిరంజీవి అక్కడ గంటన్నర కూడా ఉండలేకపోయారు అని దర్శకుడు బుచ్చిబాబు స్వయంగా ఒక ఇంటర్వ్యూలో వెల్లడించారు. చిరంజీవి ఎందుకు ఎక్కువ సేపు ఉండలేకపోయారు? చిరంజీవి సెట్స్కు వెళ్లిన సమయంలో తీవ్రమైన ఎండలో రామ్ చరణ్ కుస్తీ పోటీల (ఫైట్) సీన్ షూటింగ్ చేస్తున్నారు.
ఎండలో కొడుకు రామ్ చరణ్ అంతలా కష్టపడటం చూడలేక, ఒక తండ్రిగా చిరంజీవి అక్కడ గంటన్నర కంటే ఎక్కువ సమయం నిలబడలేక వెంటనే అక్కడి నుండి వెళ్ళిపోయారు. ఈ విషయంపై బుచ్చిబాబు మాట్లాడుతూ… “తండ్రి ఎంత కష్టమైనా పడతాడు కానీ, కొడుకు పడే కష్టాన్ని చూడలేడు కదా” అని చిరంజీవి భావోద్వేగాన్ని గుర్తు చేసుకున్నారు.
సెట్స్లో సందడి (BTS వీడియో)ఇటీవల చిత్రబృందం విడుదల చేసిన బిహైండ్ ది సీన్స్ (BTS) వీడియోలో చిరంజీవితో పాటు స్టార్ డైరెక్టర్ సుకుమార్ కూడా ఈ షూటింగ్ సెట్స్లో సందడి చేశారు. ఈ సందర్భంగా చిరంజీవి, రామ్ చరణ్, సుకుమార్, బుచ్చిబాబు సరదాగా నవ్వుకుంటూ, కండలు చూపిస్తూ ఫొటోలు దిగిన విజువల్స్ సామాజిక మాధ్యమాల్లో బాగా వైరల్ అయ్యాయి.
