క్రైమ్ మిర్రర్, ఆంధ్రప్రదేశ్:- ఆంధ్రప్రదేశ్‌లోని ఏజెన్సీ ప్రాంతాల్లో ఇటీవల వెలువడిన ఎన్నికల ఫలితాలపై ముఖ్యమంత్రి నారా చంద్రబాబు నాయుడు స్పందించారు. అక్కడ కూటమికి ప్రతికూల ఫలితాలు రావడంపై విలేకరులు ప్రశ్నించగా, ఆయన తనదైన శైలిలో విశ్లేషించారు. ప్రభుత్వ విధానాల వల్లే ఈ ఫలితాలు వచ్చాయా అన్న ప్రశ్నకు సమాధానంగా ఆసక్తికర వ్యాఖ్యలు చేశారు.ఏజెన్సీ ప్రాంతాల్లో బలవంతపు మతమార్పిడులు జరిగాయని తాను గతంలోనే చెప్పిన విషయాన్ని చంద్రబాబు గుర్తుచేశారు. ఈ ఎన్నికల ఫలితాలపై కన్వర్షన్ల ప్రభావం ఎంతవరకు ఉందనే దానిపై భిన్నాభిప్రాయాలు ఉన్నాయని పేర్కొన్నారు. బలవంతపు మతమార్పిడుల కారణంగానే ఏజెన్సీ ఓటర్ల తీర్పు మారిందా అనే కోణంలో సమగ్రంగా అధ్యయనం చేయాల్సి ఉందన్నారు.
అంతేకాకుండా, స్థానిక ఏజెన్సీ ఓటర్లు ఏ విధమైన ప్రలోభాలకు గురయ్యారు, ఓటింగ్ సరళిని ప్రభావితం చేసిన ఇతర అంశాలు ఏమిటనే దానిపై పూర్తిస్థాయిలో విశ్లేషణ జరుపుతామని సీఎం వెల్లడించారు. క్షేత్రస్థాయి వాస్తవాలను పరిశీలించిన తర్వాతే దీనిపై ఒక స్పష్టమైన నిర్ణయానికి వస్తామని ఆయన తెలిపారు. ఈ ప్రకటనతో ఏజెన్సీ ప్రాంతాల్లో మతమార్పిడులు మరియు రాజకీయ పరిణామాలపై చర్చ తీవ్రతరమైంది.
కేటీఆర్, కేసీఆర్‌లపై సీఎం రేవంత్ రెడ్డి తీవ్ర వ్యాఖ్యలు
పెళ్లైన తొమ్మిది నెలలకే వివాహిత ఆత్మహత్య.. భర్త వేధింపులే కారణమంటూ ఆరోపణలు!