సోషల్ మీడియా ప్రపంచంలో ప్రతి రోజూ ఎన్నో వీడియోలు వైరల్ అవుతుంటాయి. అయితే కొన్ని సంఘటనలు మాత్రం క్షణాల్లోనే మనసును కలచివేస్తాయి. తాజాగా వైరల్ అవుతున్న ఒక సీసీటీవీ వీడియో అలాంటి షాకింగ్ ఘటనగా మారింది. ఈ వీడియోలో ఒక చిన్నారి ప్రాణాపాయం నుంచి కేవలం కొన్ని క్షణాల వ్యవధిలో బయటపడటం చూసి నెటిజన్లు ఉలిక్కిపడుతున్నారు. ఈ సంఘటన కేరళ రాష్ట్రంలోని కోజికోడ్ జిల్లాలో జరిగింది. ఓ మూడు సంవత్సరాల చిన్నారి ఆటో నుంచి దిగిన వెంటనే, రోడ్డుకు అవతల ఉన్న తన తల్లి వద్దకు వెళ్లేందుకు ఆకస్మికంగా పరుగెత్తింది. అయితే అదే సమయంలో వేగంగా వస్తున్న ఒక ప్రైవేట్ బస్సు ఆ మార్గంలోకి చేరుకుంది. చిన్నారి నేరుగా బస్సు దిశగా పరుగెత్తడంతో అక్కడున్న వారందరూ ఒక్కసారిగా భయంతో కంగుతిన్నారు.
एक छोटी सी लापरवाही बड़ी दुर्घटना का कारण बन सकती है। pic.twitter.com/KwTTmbC2Uz
— Suraj Prakash (@itssurajprakash) June 19, 2026
అయితే ప్రమాదాన్ని ముందుగానే గుర్తించిన బస్సు డ్రైవర్ అప్రమత్తంగా స్పందించాడు. క్షణాల్లోనే బ్రేకులు వేయడంతో పాటు బస్సును పక్కకు మళ్లించాడు. అతని చాకచక్యంతో చిన్నారి బస్సు కింద పడే ప్రమాదం నుంచి త్రుటిలో తప్పించుకుంది. కొన్ని సెకన్ల ఆలస్యం జరిగి ఉంటే ఈ ఘటన తీవ్ర విషాదానికి దారి తీసేదని ప్రత్యక్ష సాక్షులు చెబుతున్నారు. ఈ మొత్తం ఘటన సమీపంలోని ఒక దుకాణం వద్ద ఉన్న సీసీటీవీ కెమెరాలో రికార్డ్ అయింది. ఆ వీడియోను సోషల్ మీడియాలో షేర్ చేయడంతో అది వేగంగా వైరల్ అయింది. చిన్నారి ప్రాణాలను కాపాడిన డ్రైవర్పై నెటిజన్లు ప్రశంసల వర్షం కురిపిస్తున్నారు. అలాగే చిన్నారుల భద్రత విషయంలో తల్లిదండ్రులు మరింత జాగ్రత్తగా ఉండాలని పలువురు సూచిస్తున్నారు.
also read: బంగ్లాదేశ్లో మళ్లీ భగ్గుమంటున్న ఉద్రిక్తతలు .. ఢాకాలో హిందువుల భారీ నిరసనలు
