తెలంగాణలోని యాదాద్రి భువనగిరి జిల్లాలో శివసత్తు హత్య కేసు సంచలనం సృష్టిస్తోంది. చౌటుప్పల్ మండలంలో చోటుచేసుకున్న ఈ ఘటనకు సంబంధించి పోలీసులు నిందితులను అరెస్ట్ చేశారు. అయితే, కేసు దర్యాప్తులో విస్తుపోయే విషయాలు వెలుగులోకి వచ్చాయి.
పోలీసుల విచారణ ప్రకారం.. హత్యకు గురైన శివసత్తు సుధాకర్, మధ్యప్రదేశ్‌కు చెందిన ఓ యువకుడిని తరచూ లైంగికంగా వేధించినట్లు వెల్లడైంది. ఈ వేధింపులను భరించలేకపోయిన సదరు యువకుడు, తన స్నేహితుడి సహకారంతో సుధాకర్‌ను హత్య చేసినట్లు పోలీసుల దర్యాప్తులో తేలింది.
హత్య అనంతరం నిందితులు అక్కడి నుంచి నగదు, బంగారు నగలు తీసుకుని పరారైనట్లు పోలీసులు గుర్తించారు. ఈ కేసులో నిందితులను అదుపులోకి తీసుకుని విచారించగా అసలు కారణం బయటపడిందని అధికారులు వెల్లడించారు.
ఈ కేసుకు సంబంధించిన వివరాలను జిల్లా ఎస్పీ అక్షాంశ్ యాదవ్ వెల్లడించారు. లైంగిక వేధింపుల నేపథ్యంలోనే ఈ హత్య జరిగినట్లు ప్రాథమిక విచారణలో గుర్తించినట్లు తెలిపారు. ప్రస్తుతం కేసుకు సంబంధించి తదుపరి దర్యాప్తు కొనసాగుతోంది.
also read: నెగెటివ్ రోల్‌లో నిత్యామీనన్.. బాలీవుడ్‌లో కొత్త ప్రయోగం!