పాన్ ఇండియా స్టార్ ప్రభాస్ అభిమానులకు ఇండిపెండెన్స్ డే సందర్భంగా ‘ఫౌజీ’ మూవీ టీమ్ సర్ప్రైజ్ ఇచ్చింది. స్వాతంత్య్ర దినోత్సవాన్ని పురస్కరించుకుని ఈ సినిమా నుంచి ప్రభాస్కు సంబంధించిన మరో కొత్త లుక్ను విడుదల చేశారు. ఈ పోస్టర్ ప్రస్తుతం సోషల్ మీడియాలో సినీ అభిమానుల దృష్టిని ఆకర్షిస్తోంది.
పోస్టర్లో ప్రభాస్ చేతుల్లో తుపాకులు పట్టుకుని, రక్తపు మరకలతో కనిపిస్తున్నారు. యుద్ధ వాతావరణాన్ని తలపించేలా డిజైన్ చేసిన ఈ లుక్ సినిమాపై మరింత ఆసక్తిని పెంచుతోంది. వెనుక భాగంలో మహాత్మా గాంధీ, చార్మినార్ వంటి హైదరాబాద్కు సంబంధించిన గుర్తులు కనిపించడం ప్రత్యేక ఆకర్షణగా నిలిచింది.
స్వాతంత్య్రం వెనుక ఉన్న పోరాటం, త్యాగం, సైనికుల ధైర్యాన్ని గుర్తు చేసేలా ఈ పోస్టర్ను రూపొందించినట్లు తెలుస్తోంది. ‘‘స్వాతంత్య్రం వేడుకగా మారకముందు అది ఓ యుద్ధం. మన భవిష్యత్తు కోసం పోరాడిన ప్రతి సైనికుడి స్ఫూర్తికి వందనం’’ అనే భావంతో మూవీ టీమ్ ఇండిపెండెన్స్ డే శుభాకాంక్షలు తెలిపింది.
ప్రభాస్ను ఇంతటి ఇంటెన్స్ లుక్లో చూపించడంతో ‘ఫౌజీ’పై అంచనాలు మరింత పెరుగుతున్నాయి. సినిమాలో ఆయన పాత్ర ఎలా ఉండబోతోందన్న ఆసక్తి అభిమానుల్లో నెలకొంది. ఈ చిత్రానికి సంబంధించిన మరిన్ని వివరాలు, అప్డేట్స్ కోసం ప్రభాస్ అభిమానులు ఆసక్తిగా ఎదురుచూస్తున్నారు.
‘ఫౌజీ’ చిత్రాన్ని డిసెంబర్ 3న ప్రేక్షకుల ముందుకు తీసుకురానున్నట్లు మూవీ టీమ్ ఇప్పటికే ప్రకటించింది. ప్రభాస్ కెరీర్లో మరో ప్రత్యేకమైన చిత్రంగా ఇది నిలుస్తుందా? అనేది విడుదల తర్వాతే తెలియనుంది.
also read: బోనాల్లో పాల్గొన్న ఫరియా అబ్దుల్లా.. ట్రోలింగ్పై కన్నీళ్లు