ప్రసిద్ధ పుణ్యక్షేత్రమైన శబరిమల అయ్యప్ప స్వామి ఆలయాన్ని తిరుమల తరహాలో అభివృద్ధి చేసేందుకు భారీ ప్రాజెక్టును చేపట్టనున్నట్లు కేరళ ముఖ్యమంత్రి సతీశన్ ప్రకటించారు. దేశవ్యాప్తంగా లక్షలాది మంది భక్తులు తరలివచ్చే ఈ క్షేత్రంలో మౌలిక వసతులను పూర్తిస్థాయిలో మెరుగుపరచాలని ప్రభుత్వం నిర్ణయించింది. ప్రస్తుతం కొనసాగుతున్న పిలిగ్రిమ్ సీజన్ ముగిసిన వెంటనే ఈ అభివృద్ధి పనులను అధికారికంగా ప్రారంభించనున్నట్లు ఆయన స్పష్టం చేశారు.శబరిమలకు విచ్చేసే భక్తులకు ఎటువంటి అసౌకర్యం కలగకుండా సమగ్రమైన, అత్యాధునిక మౌలిక సదుపాయాలు కల్పించడమే తమ ప్రభుత్వ ప్రధాన లక్ష్యమని సీఎం పేర్కొన్నారు. తిరుమలలో భక్తులకు అందుబాటులో ఉన్న తరహాలో క్యూ లైన్లు, వసతి, రవాణా మరియు ఇతర సౌకర్యాలను తీర్చిదిద్దడం ద్వారా యాత్రికులకు మెరుగైన దర్శన అనుభూతిని అందించాలని ప్రణాళికలు సిద్ధం చేశారు.
MI కెప్టెన్ రేస్.. నా మద్దతు తనకే అంటున్న అంబటి రాయుడు!
ఈ భారీ అభివృద్ధి ప్రాజెక్టు పూర్తయితే శబరిమలకు వచ్చే భక్తుల సంఖ్య మరో 50 శాతం వరకు పెరిగే అవకాశం ఉందని ముఖ్యమంత్రి అంచనా వేశారు. మెరుగైన వసతుల కల్పన వల్ల దేశ, విదేశాల నుంచి వచ్చే అయ్యప్ప భక్తుల రాకపోకలు మరింత సులభతరం కానున్నాయి.అంతేకాకుండా, కేవలం శబరిమల ఆలయ అభివృద్ధికే పరిమితం కాకుండా, పరిసర ప్రాంతాల్లోని ఇతర ప్రముఖ ఆలయాలను కూడా భక్తులు సులభంగా దర్శించుకునే విధంగా ఒక ప్రత్యేక పర్యాటక సర్క్యూట్ను రూపొందించనున్నట్లు సీఎం సతీశన్ తెలిపారు. ఈ పర్యాటక సర్క్యూట్ ఏర్పాటు ద్వారా రాష్ట్రంలో ఆధ్యాత్మిక పర్యాటక రంగం మరింత అభివృద్ధి చెందడంతో పాటు స్థానికంగా ఉపాధి అవకాశాలు కూడా మెరుగుపడనున్నాయి.
పసుపు జెర్సీలో ముగిసిన ధోనీ శకం.. మెంటార్గా CSKతో కొనసాగనున్న ‘తలా’!
