క్రైమ్ మిర్రర్,అమరావతి:- ఆంధ్రప్రదేశ్ ప్రతిపక్ష నేత, వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి శ్రీకాకుళం జిల్లా పర్యటనకు సంబంధించి పోలీసులు కీలక ఆంక్షలు విధించారు. నేడు ఆయన చేపట్టనున్న పర్యటన కేవలం జైలులో ఉన్న మాజీ మంత్రి సీదిరి అప్పలరాజును పరామర్శించడానికి మాత్రమే పరిమితం కావాలని స్పష్టం చేశారు.ఈ మేరకు పోలీసు ఉన్నతాధికారులు ఒక ప్రకటన విడుదల చేస్తూ, పర్యటనకు సంబంధించిన నిబంధనలను వివరించారు.
వాహన ఫైనాన్స్ వేధింపులు తాళలేక కుటుంబం ఆత్మహత్యాయత్నం.. కర్నూలులో కలకలం
ఆంక్షల వివరాలు:- జగన్ పర్యటన ప్రధాన ఉద్దేశ్యం జైలులో ఉన్న మాజీ మంత్రి సీదిరి అప్పలరాజును పరామర్శించడమేనని, ఆ కార్యక్రమానికి మాత్రమే అనుమతి ఉందని పోలీసులు తెలిపారు. పర్యటన సందర్భంగా ఎలాంటి భారీ ర్యాలీలు లేదా జనంతో కూడిన ఊరేగింపులు నిర్వహించడానికి వీల్లేదని తేల్చి చెప్పారు. శాంతిభద్రతల దృష్ట్యా ఈ నిర్ణయం తీసుకున్నట్లు సమాచారం. జగన్ కాన్వాయ్లో కేవలం ఎనిమిది 8 వాహనాలకు మాత్రమే అనుమతి ఉంటుందని, పరిమితికి మించి వాహనాలు అనుమతించబడవని స్పష్టం చేశారు.పోలీసుల ఆంక్షల నేపథ్యంలో వైఎస్ జగన్ పర్యటన ఎలా సాగుతుందనే దానిపై రాజకీయ వర్గాల్లో ఆసక్తి నెలకొంది. ఈ నిబంధనల మేరకు పర్యటన సాదాసీదాగా ముగిసే అవకాశం ఉందని భావిస్తున్నారు. ఈ ఆంక్షలపై వైఎస్సార్సీపీ నేతలు ఎలా స్పందిస్తారనేది వేచి చూడాలి.
వేధింపులు, బెదిరింపుల ఆరోపణలు.. ట్రైనీ ఐపీఎస్కు 14 రోజుల రిమాండ్