నందమూరి బాలకృష్ణ అభిమానులకు అదిరిపోయే అప్డేట్ వచ్చింది. బాలయ్య నటిస్తున్న ప్రతిష్టాత్మక NBK 111 చిత్రాన్ని క్రిస్మస్ కానుకగా ప్రేక్షకుల ముందుకు తీసుకురావాలని మేకర్స్ భావిస్తున్నట్లు సమాచారం. ఈ సినిమా డిసెంబర్ 24న విడుదలయ్యే అవకాశాలు ఉన్నాయని టాలీవుడ్ వర్గాల్లో చర్చ జరుగుతోంది.
ప్రస్తుతం బాలకృష్ణకు గాయం కావడంతో సినిమా షూటింగ్కు కొంత విరామం ఏర్పడింది. ఆయన ఆరోగ్యం మెరుగుపడిన తర్వాత అక్టోబర్లో తిరిగి షూటింగ్లో పాల్గొననున్నట్లు తెలుస్తోంది. దీంతో చిత్రీకరణ షెడ్యూల్లోనూ మార్పులు చేసినట్లు సమాచారం.
వాస్తవానికి NBK 111ను దసరా సందర్భంగా విడుదల చేయాలని చిత్రబృందం భావించినట్లు తెలుస్తోంది. అయితే బాలయ్యకు గాయం కావడంతో షూటింగ్ ఆలస్యం కావడంతో ఇప్పుడు క్రిస్మస్ సీజన్ను టార్గెట్ చేస్తున్నారని సమాచారం.
బాలకృష్ణ సినిమా అంటేనే అభిమానుల్లో భారీ అంచనాలు ఉంటాయి. ఈ నేపథ్యంలో క్రిస్మస్ బరిలో NBK 111 వస్తే బాక్సాఫీస్ వద్ద సందడి నెలకొనే అవకాశం ఉంది. అయితే సినిమా టైటిల్, అధికారిక విడుదల తేదీపై చిత్రబృందం నుంచి ఇంకా అధికారిక ప్రకటన రావాల్సి ఉంది.
త్వరలోనే NBK 111 టైటిల్, రిలీజ్ డేట్పై మేకర్స్ క్లారిటీ ఇచ్చే అవకాశం ఉందని సినీ వర్గాలు చెబుతున్నాయి. మరి బాలయ్య క్రిస్మస్ బరిలో ఎలాంటి హంగామా చేస్తారో చూడాలి.