క్రైమ్ మిర్రర్, సినిమా:- అక్కినేని యువ హీరో అఖిల్ నటిస్తున్న సరికొత్త చిత్రం ‘లెనిన్’ బాక్సాఫీస్ వద్ద మంచి ఆదరణ పొందుతోంది. ఈ నేపథ్యంలో ఈ చిత్రానికి ప్రేక్షకుల నుండి వస్తున్న అద్భుతమైన స్పందనపై మెగాస్టార్ చిరంజీవి సోషల్ మీడియా వేదికగా స్పందించారు. అఖిల్ తన సొంత కొడుకు లాంటివాడని పేర్కొంటూ చిరంజీవి చేసిన ప్రత్యేక ట్వీట్ ఇప్పుడు నెట్టింట వైరల్గా మారింది.మెగాస్టార్ చిరంజీవి చేసిన ట్వీట్పై హీరో అఖిల్ అక్కినేని ఎంతో భావోద్వేగంతో స్పందించారు. చిరంజీవిని ఎంతో ఆప్యాయంగా ‘పెదనాన్న’ అని పిలుస్తూ అఖిల్ తన కృతజ్ఞతలు తెలిపారు.అఖిల్ తన ట్వీట్లో ఇలా పేర్కొన్నారు:”పెదనాన్న.. మీరు ఎప్పుడూ నాపై చూపించే అమితమైన ప్రేమకు నేను ఎల్లప్పుడూ పొంగిపోతుంటాను. మీ నుంచి లభించిన ఈ సపోర్ట్కు నా ప్రత్యేక ధన్యవాదాలు. దయచేసి మా ‘లెనిన్’ సినిమాను వీక్షించండి. త్వరలోనే మిమ్మల్ని ప్రత్యక్షంగా కలుస్తాను.”స్పందించిన కింగ్ నాగార్జున:అఖిల్పై మెగాస్టార్ చిరంజీవి చూపించిన వాత్సల్యానికి మరియు అందించిన మద్దతుకు అక్కినేని నాగార్జున సైతం సంతోషం వ్యక్తం చేశారు. అఖిల్ కంటే ముందే నాగార్జున ఈ ట్వీట్పై స్పందిస్తూ చిరంజీవికి ధన్యవాదాలు తెలిపారు.మెగా కుటుంబానికి, అక్కినేని కుటుంబానికి మధ్య ఉన్న అనుబంధాన్ని ఈ సోషల్ మీడియా సంభాషణ మరోసారి రుజువు చేసిందని సినీ విశ్లేషకులు మరియు అభిమానులు హర్షం వ్యక్తం చేస్తున్నారు.
లెజెండరీ సింగర్ ఎస్. జానకి ఆస్తులు రూ.537 కోట్లకు పైనే?
పోస్ట్మార్టం పూర్తి.. రాజ్కుమార్ మృతదేహాన్ని తీసుకునేందుకు కుటుంబం నిరాకరణ
