క్రైమ్ మిర్రర్,ఆంధ్రప్రదేశ్:- ఆంధ్రప్రదేశ్ రాష్ట్రంలో స్థానిక సంస్థల ఎన్నికల నిర్వహణపై నెలకొన్న అనిశ్చితికి మరియు రకరకాల ఊహాగానాలకు మంత్రి నారా లోకేష్ ముగింపు పలికారు. ముందుగా అనుకున్న షెడ్యూల్ ప్రకారమే వచ్చే అక్టోబర్ నెలలోనే స్థానిక సంస్థల ఎన్నికలు జరుగుతాయని ఆయన స్పష్టంగా పునరుద్ఘాటించారు.తాజాగా నిర్వహించిన మంత్రుల బ్రేక్ఫాస్ట్ మీటింగ్లో పాల్గొన్న లోకేష్, ఈ అంశంపై స్పష్టమైన వ్యాఖ్యలు చేశారు. స్థానిక ఎన్నికలు ఇప్పుడు జరగవంటూ కొందరు ప్రచారం చేస్తున్న అపోహలు ఎవరూ నమ్మవద్దని తేల్చిచెప్పారు. ఎన్నికలను ఎలాగైనా వాయిదా వేయించాలని ప్రతిపక్ష వైసీపీ పన్నుతున్న కుయుక్తులు ఎంతమాత్రం పనిచేయవని తీవ్రంగా మండిపడ్డారు.
‘సూపర్ ఎల్ నినో’ తీవ్రరూపం.. ప్రపంచవ్యాప్తంగా ఆందోళన కలిగిస్తున్న క్లైమేట్ రిపోర్ట్!
ప్రస్తుతం స్థానిక ఎన్నికలకు సంబంధించి కోర్టుల్లో పెండింగ్లో ఉన్న న్యాయపరమైన కేసులు కూడా త్వరలోనే పూర్తిస్థాయిలో పరిష్కారమవుతాయనే దృఢమైన ఆశాభావాన్ని మంత్రి వ్యక్తం చేశారు. ఇక ఈ ఎన్నికల్లో కూటమిలోని భాగస్వామ్య పార్టీలతో కలిసి పోటీ చేసే పొత్తుల అంశంపై మాట్లాడారు. పొత్తులు, స్థానాల కేటాయింపుకు సంబంధించిన వివరాలను సమన్వయ కమిటీ మరియు పార్టీ అధిష్టానం కలిసి చర్చించి సరైన నిర్ణయాన్ని తీసుకుంటాయని లోకేష్ వివరించారు.