తెలంగాణ

ఏపీ నుంచి పంపించాలని బిజెపి నిర్ణయం తెలంగాణలో ఎస్సీ ఉపకులాల ఓట్లపై గురి క్రైమ్ మిర్రర్, తెలంగాణ బ్యూరో: తెలంగాణలో ఎలాగైనా అధికారంలోకి రావాలని భావిస్తోంది భారతీయ జనతా పార్టీ. అక్కడ ఏ చిన్న అవకాశాన్ని జారవిడుచుకోవడం లేదు. 2028 ఎన్నికల్లో తెలంగాణలో అధికారంలో రావాలన్నదే ఆ పార్టీ లక్ష్యం. అందులో భాగంగా మందకృష్ణ మాదిగ కు బిజెపి కీలక పదవి ఆఫర్ చేసినట్లు ప్రచారం నడుస్తోంది. ఇప్పటికే మంద కృష్ణ మాదిగ బిజెపికి అనుకూలంగా ఉన్నారు. ఎస్సీ రిజర్వేషన్లు చేయడంతో బిజెపి పట్ల సానుకూలంగా ఉన్నారు. ఈ పరిస్థితుల్లో మందకృష్ణ మాదిగకు రాజ్యసభ పదవి ఇచ్చి తెలంగాణలో పార్టీని మరింత బలోపేతం చేసుకోవాలని బిజెపి ఆలోచన చేస్తున్నట్లుగా తెలుస్తోంది. ముఖ్యంగా ఏపీ నుంచి రాజ్యసభకు మందకృష్ణ మాదిగను ప్రమోట్ చేయనున్నట్లు తెలుస్తోంది. ఇది తెలంగాణలో బిజెపికి.. ఏపీలో కూటమికి రాజకీయ ప్రయోజనం చేకూర్చుతుందని కేంద్ర పెద్దలు ఒక నిర్ణయానికి వచ్చినట్లు ప్రచారం జరుగుతోంది. ఇప్పటికే బీసీ సంఘం నేత ఆర్ కృష్ణయ్య కు రాజ్యసభ పదవి ఇచ్చారు. ఇప్పుడు మందకృష్ణ మాదిగ కు ఇవ్వడం ద్వారా తెలంగాణలో మాదిగ ఓటు బ్యాంకు పై బిజెపి గురిపెట్టినట్లు తెలుస్తోంది. సుదీర్ఘ పోరాటం ఫలితం... మంద కృష్ణ మాదిగ సుదీర్ఘ పోరాటం ఫలితంగా ఎస్సీ వర్గీకరణ జరిగింది.. దీనిపై బీజేపీ పట్ల సానుకూలంగా ఉన్నారు మందకృష్ణ మాదిగ. మరోవైపు ఏపీ సీఎం చంద్రబాబు విషయంలో కూడా ప్రత్యేక కృతజ్ఞతలతో ఉన్నారు. అయితే ఏపీతో పోల్చుకుంటే తెలంగాణలో మాదిగ సామాజిక వర్గం అధికం. ఎస్సీల్లోనే అధిక భాగం ఆ సామాజిక వర్గానిది. అందుకే బిజెపి పెద్దలు ప్రత్యేకంగా ఫోకస్ పెట్టినట్లు తెలుస్తోంది. ఏపీలో కాళీ కాబోయే రాజ్యసభకు మంద కృష్ణ మాదిగకు పంపిస్తారని టాక్ నడుస్తోంది. మొన్నటి వరకు ఏపీ బిజెపి రాజ్యసభ అభ్యర్థిగా తమిళనాడు నేత అన్నామలై పేరు వినిపించింది. అయితే 2028 తెలంగాణ అసెంబ్లీ ఎన్నికలు దృష్టిలో పెట్టుకొని.. మంద కృష్ణ మాదిగ కు ఛాన్స్ ఇస్తారని తెలుస్తోంది. భారీ ఉద్యమం దిశగా.. ఉమ్మడి ఏపీలోనే మందకృష్ణ మాదిగ ఉద్యమ చరిత్ర కలిగిన నేతగా గుర్తింపు పొందారు. 1994లో ప్రకాశం జిల్లా ఈదుమూడి గ్రామంలో మాదిగ రిజర్వేషన్ పోరాటం ప్రారంభం అయింది. స్వల్ప కాలంలోనే ఉమ్మడి రాష్ట్ర వ్యాప్తంగా విస్తరించింది. అయితే సుదీర్ఘకాలం మాదిగ రిజర్వేషన్ పోరాట సమితి ద్వారా ఎస్సీ వర్గీకరణ కోసం గట్టి పోరాటం చేశారు మందకృష్ణ మాదిగ. అయితే కేంద్రంలో ప్రధాని నరేంద్ర మోడీ అన్ని రాష్ట్రాల్లో ఎస్సీ వర్గీకరణ ఉద్యమాలను గౌరవించి అందుకు గ్రీన్ సిగ్నల్ ఇచ్చారు. మంద కృష్ణ మాదిగ పోరాటాన్ని గుర్తించి ఆయనను అభినందనలు తెలిపారు. ఆత్మీయ ఆలింగణం కూడా చేసుకున్నారు. అయితే ఇప్పుడు కృష్ణ మాదిగకు రాజ్యసభకు ప్రమోట్ చేసి తెలంగాణలో మాదిగ ఓట్లు పై గురి పెట్టింది భారతీయ జనతా పార్టీ. త్వరలో ఏపీ నుంచి భర్తీ అయ్యే రాజ్యసభ సీటును మందకృష్ణ మాదిగకు కేటాయించడం ఖాయంగా తెలుస్తోంది. మూడు ఎన్నికల్లో పోటీ.. ఇంతవరకు మందకృష్ణ మాదిగ చట్టసభలకు ఎన్నిక కాలేదు. 2004 అసెంబ్లీ ఎన్నికల్లో మధిర నియోజకవర్గం నుంచి పోటీ చేసి.. దాదాపు పాతిక వేలకు పైగా ఓట్లు సాధించారు మందకృష్ణ మాదిగ. 2009లో అయితే మరోసారి పోటీ చేసి 20 వేల ఓట్లకు పైగా సాధించారు. 2014 ఎన్నికల్లో మహాజన సోషలిస్ట్ పార్టీని స్థాపించి తెలంగాణలోని వర్ధన్నపేట నియోజకవర్గం నుంచి పోటీ చేశారు. దాదాపు 20 వేలకు పైగా ఓట్లు సాధించారు. తెలంగాణలో బలమైన నెట్వర్క్ ఉంది మంద కృష్ణ మాదిగకు. ఏపీలో సైతం మాదిగ సామాజిక వర్గంతో పాటు ఎస్సి ఉపకు లాల్లో మంచి పట్టు ఉంది. అందుకే భారతీయ జనతా పార్టీ ఆయనపై గురిపెట్టినట్లు తెలుస్తోంది. త్వరలో ఆయనకు రాజ్యసభ పదవి ఇచ్చి పార్లమెంటుకు పంపించడం ఖాయంగా సమాచారం. మరి ఏం జరుగుతుందో చూడాలి.

కాంగ్రెస్ లో పరకాల చిచ్చు…! సీఎం పై సుష్మిత ప‌టేల్ తీవ్ర ఆరోప‌ణ‌లు…

రేగా కాంతారావుకు హైకోర్టులో ఊరట.. లైంగిక వేధింపుల కేసు కొట్టివేత

22A భూముల వ్యవహారంపై హరీశ్ రావు సంచలన ఆరోపణలు.. రాహుల్ గాంధీకి బహిరంగ లేఖ

సినిమాల్లోకి కేటీఆర్ తనయుడు…!

బడంగ్‌పేట్ మున్సిపల్ కార్పొరేషన్ అధికారుల తీరుపై తీవ్ర అసంతృప్తి..!

Most Read

కాంగ్రెస్ లో పరకాల చిచ్చు…! సీఎం పై సుష్మిత ప‌టేల్ తీవ్ర ఆరోప‌ణ‌లు…

జపాన్‌లో ‘మిరాయ్’ జోరు.. అడ్వాన్స్ బుకింగ్స్‌లో అదరగొడుతున్న తేజ సజ్జా సినిమా!

నాగపంచమి వేళ వింత ఆచారం.. గడ్డి తింటున్న 70 ఏళ్ల వృద్ధుడు.. చూసేందుకు పోటెత్తిన జనం

రేగా కాంతారావుకు హైకోర్టులో ఊరట.. లైంగిక వేధింపుల కేసు కొట్టివేత

EDITOR PICKS

కాంగ్రెస్ లో పరకాల చిచ్చు…! సీఎం పై సుష్మిత ప‌టేల్ తీవ్ర ఆరోప‌ణ‌లు…

జపాన్‌లో ‘మిరాయ్’ జోరు.. అడ్వాన్స్ బుకింగ్స్‌లో అదరగొడుతున్న తేజ సజ్జా సినిమా!

నాగపంచమి వేళ వింత ఆచారం.. గడ్డి తింటున్న 70 ఏళ్ల వృద్ధుడు.. చూసేందుకు పోటెత్తిన జనం

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags