ఆంధ్ర ప్రదేశ్

అనంతపురం జిల్లాలో నకిలీ అధికారుల మోసం కలకలం రేపింది. బెలుగుప్ప మండలం కేంద్రంగా ఐదుగురు మహిళల బృందం ఫుడ్ సేఫ్టీ అధికారులమంటూ దుకాణదారులను మోసం చేసిన ఘటన వెలుగులోకి వచ్చింది. మెడలో ఐడీ కార్డులు ధరించి అచ్చం అధికారుల మాదిరిగా ప్రవర్తించిన ఈ మహిళలు పలు షాపులు, బేకరీలలో తనిఖీలు నిర్వహిస్తూ హడావిడి చేశారు. “ఇది సరిగా లేదు”, “ఆహార పదార్థాల నాణ్యత బాగోలేదు”, “నిబంధనలు పాటించడం లేదు” అంటూ దుకాణ యజమానులను భయపెట్టి ఫైన్లు విధించారు. ఫుడ్ సేఫ్టీ సర్వీసెస్ గుంటూరు పేరుతో రసీదులు కూడా ఇచ్చి పదుల సంఖ్యలో దుకాణాల నుంచి డబ్బులు వసూలు చేసినట్లు సమాచారం. అధికారుల మాదిరిగా ప్రవర్తించడం వల్ల ప్రారంభంలో చాలా మంది వ్యాపారులు నిజమైన తనిఖీలేనని భావించి డబ్బులు చెల్లించినట్లు తెలుస్తోంది. అయితే మహిళల ప్రవర్తనపై కొంతమంది స్థానికులకు అనుమానం రావడంతో వారిని ప్రశ్నించారు. దీంతో తమ పై అధికారులతో మాట్లాడాలంటూ వారు ఫోన్లో మాట్లాడినట్లు నటించారు. స్థానికంగా ఉన్న అసలు ఫుడ్ సేఫ్టీ అధికారుల పేర్లు ప్రస్తావిస్తూ తమకు పరిచయం ఉందని చెప్పి పరిస్థితిని తప్పించుకునే ప్రయత్నం చేశారు. అనంతరం ముఖాలకు మాస్కులు కట్టుకుని వచ్చిన ఆటోలోనే కళ్యాణదుర్గం వైపు వెళ్లిపోయినట్లు ప్రత్యక్ష సాక్షులు తెలిపారు. ఈ ఘటనపై అనుమానం వచ్చిన షాపు యజమానులు స్థానిక ఫుడ్ సేఫ్టీ అధికారులను సంప్రదించగా, అలాంటి మహిళా బృందం తమ శాఖలో ఎవరూ లేరని స్పష్టం చేశారు. దీంతో తాము నకిలీ అధికారుల చేతిలో మోసపోయామని వ్యాపారులకు అర్థమైంది. ఘటనపై స్పందించిన అనంతపురం జిల్లా ఫుడ్ సేఫ్టీ అధికారులు వెంటనే పోలీసులకు ఫిర్యాదు చేయాలని బాధితులకు సూచించారు. దీంతో దుకాణ యజమానులు పోలీసులను ఆశ్రయించి ఫిర్యాదు చేశారు. నిత్యం రద్దీగా ఉండే ప్రాంతంలో ఎలాంటి భయం లేకుండా నకిలీ అధికారులు తిరుగుతూ తనిఖీలు నిర్వహించి డబ్బులు వసూలు చేయడం ప్రస్తుతం స్థానికంగా తీవ్ర చర్చనీయాంశంగా మారింది. పోలీసులు కేసు నమోదు చేసి మహిళల బృందం కోసం గాలింపు చర్యలు చేపట్టినట్లు సమాచారం. ALSO READ: ప్రకృతి ఒడిలో సాహస యాత్ర

ఆంధ్ర ప్రదేశ్

20 రోజులుగా ఆర్మీ జవాన్ అదృశ్యం.. బెంగళూరు స్టేషన్‌లో ఐడీ కార్డు లభ్యం

వైయస్సార్ కాంగ్రెస్ కు షాక్!

అవినీతి నియంత్రణలో తెలంగాణ భేష్!

బంగాళాఖాతంలో అల్పపీడనం: ఏపీ, తెలంగాణలో భారీ వర్షాల హెచ్చరిక

ఏపీ బ్రాండ్ అంబాసిడర్‌గా చిరంజీవి..ఇదే మెగాస్టార్ టీమ్ ఫుల్ క్లారిటీ!

Most Read

అత్యాచారాన్ని ఆస్వాదించే అమ్మాయిలు ఉన్నారు’.. టీజీ మోహన్‌దాస్‌ సంచలన వ్యాఖ్యలు

జగిత్యాల బైపాస్‌ రోడ్డులో ఘోర ప్రమాదం.. మనుమడు మృతి, తాత పరిస్థితి విషమం

ఇద్దరు భర్తల మోసం.. రెడ్‌హ్యాండెడ్‌గా పట్టుకున్నానన్న నటి

ఫాంహౌస్‌లో దోపిడీకి దుండగుల యత్నం.. వాచ్‌మెన్‌ దారణ హత్య

EDITOR PICKS

అత్యాచారాన్ని ఆస్వాదించే అమ్మాయిలు ఉన్నారు’.. టీజీ మోహన్‌దాస్‌ సంచలన వ్యాఖ్యలు

జగిత్యాల బైపాస్‌ రోడ్డులో ఘోర ప్రమాదం.. మనుమడు మృతి, తాత పరిస్థితి విషమం

ఇద్దరు భర్తల మోసం.. రెడ్‌హ్యాండెడ్‌గా పట్టుకున్నానన్న నటి

POPULAR POSTS

మునుగోడు ఆశ..రాజన్న శ్వాస..

జగన్ పాదయాత్రపై ఏపీలో జోరుగా చ‌ర్చా….!

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

POPULAR CATEGORY

ABOUT US

Trending Tags