క్రైమ్ మిర్రర్, స్పోర్ట్స్:- భారత క్రికెట్ అభిమానులకు శుభవార్త! టీమిండియా స్టార్ పేసర్ జస్ప్రీత్ బుమ్రా గాయం నుంచి పూర్తిగా కోలుకున్నారు. బెంగళూరులోని నేషనల్ క్రికెట్ అకాడమీ (BCCI COE) లో ఇటీవల నిర్వహించిన ఫిట్నెస్ టెస్టులో ఆయన విజయవంతంగా పాస్ అయ్యారు. దీంతో త్వరలో శ్రీలంకతో జరగనున్న టెస్ట్ సిరీస్లో ఆడేందుకు బుమ్రా సిద్ధమయ్యారు.ఆగస్టు 15వ తేదీ నుంచి శ్రీలంకతో జరగనున్న రెండు మ్యాచ్ల టెస్ట్ సిరీస్కు బుమ్రా అందుబాటులో ఉండనున్నట్లు తెలుస్తోంది. ఇంగ్లాండ్తో జరిగిన వన్డే సిరీస్ సందర్భంగా బుమ్రా గాయపడిన సంగతి తెలిసిందే. ఆ గాయం కారణంగా లార్డ్స్ వేదికగా జరిగిన మూడో వన్డేకి సైతం ఆయన దూరమయ్యారు.తాజాగా ఆయన కోలుకోవడంతో శ్రీలంక పర్యటనకు వెళ్లే భారత జట్టులో ఆయన చోటు దక్కించుకోవడం ఖాయంగా కనిపిస్తోంది. బుమ్రా తిరిగి జట్టులోకి రావడంతో టీమిండియా పేస్ దళం మరింత బలోపేతం కానుంది.
హైడ్రా కమిషనర్ రంగనాథ్ మార్పు…?!
టాలీవుడ్ హీరోయిన్ రష్మిక మందన్నాకు తీవ్ర గాయం.. అసలు ఈ ‘టెండన్ డిటాచ్మెంట్’ అంటే ఏమిటి?