పెయిన్ కిల్లర్స్ మరియు యాంటీ బయోటిక్స్ను అమితంగా వాడేవారికి కేంద్ర ప్రభుత్వం అత్యంత కీలకమైన హెచ్చరిక జారీ చేసింది. ఇలాంటి మందులను డాక్టర్ల సలహా లేదా ప్రిస్క్రిప్షన్ లేకుండా ఇష్టానుసారంగా వాడటం వల్ల మన శరీరంలోని కిడ్నీలు పూర్తిగా దెబ్బతినే తీవ్రమైన ప్రమాదం ఉందని సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ (CDSCO) స్పష్టం చేసింది.
చాలా మంది చిన్నపాటి నొప్పి రాగానే మెడికల్ షాప్లకు వెళ్లి సొంత వైద్యం చేసుకుంటూ ఉంటారు. అయితే, నొప్పి నివారణ మందులను మరియు యాంటీ బయోటిక్స్ను పదేపదే లేదా ఎక్కువ కాలం పాటు తీసుకోవడం ఆరోగ్యానికి ఎంతో హానికరమని అధికారులు హెచ్చరిస్తున్నారు. ఎలాంటి డాక్టర్ ప్రిస్క్రిప్షన్ లేకుండా నేరుగా మందులు తెచ్చుకునే అలవాటును ప్రజలు వెంటనే మార్చుకోవాలని సూచించారు. ముఖ్యంగా చిన్నపాటి వైరల్ ఇన్ఫెక్షన్లకు కూడా అజాగ్రత్తగా ఈ మందులను వాడకూడదని స్పష్టం చేశారు. అనారోగ్య సమస్యలు తలెత్తితే సొంత వైద్యం మాని, వెంటనే అర్హులైన వైద్యులను సంప్రదించి వారి సూచనల మేరకే మందులు వాడాలని నిపుణులు విజ్ఞప్తి చేస్తున్నారు.
క్యాన్సర్ మందుల పేరిట భారీ దోపిడీ.. సుప్రీం కోర్టు సీరియస్!