ప్రకృతి విపత్తుతో తీవ్రంగా ప్రభావితమైన నేపాల్కు భారత్ అందించిన సహాయంపై ఆ దేశ ప్రధాని బాలెన్ షా ప్రశంసలు కురిపించారు. విపత్తు సంభవించిన వెంటనే భారత్ స్పందించి అవసరమైన సహాయక చర్యలు చేపట్టిందని ఆయన పార్లమెంటులో పేర్కొన్నారు.
వరదల ప్రభావిత ప్రాంతాలకు భారత్ నుంచి మందులు, ఆహార పదార్థాలు, తాగునీటిని శుద్ధి చేసే పరికరాలు పంపినట్లు బాలెన్ షా తెలిపారు. అంతేకాకుండా పరిస్థితులను ఎదుర్కొనేందుకు నిపుణులతో కూడిన సహాయక బృందాన్ని కూడా భారత్ పంపిందని వెల్లడించారు.
విపత్తు కారణంగా జరిగిన నష్టాన్ని అంచనా వేసేందుకు భారత బృందాలు క్షేత్రస్థాయిలో పరిశీలనలు నిర్వహించినట్లు ఆయన చెప్పారు. క్లిష్ట సమయంలో భారత్ వేగంగా స్పందించి నేపాల్కు అండగా నిలిచిందని బాలెన్ షా కొనియాడారు.
సంక్షోభ సమయంలో నిజమైన మిత్రదేశంగా భారత్ తమకు సహకరించిందని ఆయన పేర్కొన్నారు. రెండు దేశాల మధ్య ఉన్న స్నేహపూర్వక సంబంధాలకు భారత సహాయం మరో ఉదాహరణగా నిలిచిందని తెలిపారు.
also read: బాసరలో విషాదం.. ఫొటోలు తీసుకుంటుండగా గోదావరిలో పడి యువకుడు మృతి