India - Crime Mirror

క్రైమ్ మిర్రర్ : మరణశిక్ష అమలులో ఉరి విధానాన్ని తొలగించి, దానికి బదులుగా నొప్పిలేని ప్రత్యామ్నాయ విధానాన్ని ప్రవేశపెట్టాలంటూ దాఖలైన పిటిషన్ను సుప్రీంకోర్టు కొట్టివేసింది. జస్టిస్ విక్రమ్ నాథ్, జస్టిస్ సందీప్ మెహతాలతో కూడిన ధర్మాసనం ఈ మేరకు తీర్పు వెలువరించింది. ప్రస్తుతం అమల్లో ఉన్న ఉరి విధానం కాలం చెల్లిందని, దాని స్థానంలో మరింత మానవీయమైన పద్ధతిని అమలు చేయాలని పిటిషన్లో కోరారు. అయితే ప్రస్తుత రిట్ పిటిషన్ను డిస్మిస్ చేస్తున్నట్లు కోర్టు స్పష్టం చేసింది. అదే సమయంలో ఈ అంశానికి భవిష్యత్తులో పూర్తిగా తెరపడలేదని పేర్కొంది. ప్రత్యామ్నాయ మరణశిక్ష విధానాలకు సంబంధించి శాస్త్రీయ ఆధారాలు అందుబాటులోకి వస్తే, వాటిని పరిశీలించే అవకాశం ఉందని తెలిపింది. భవిష్యత్తులో రాజ్యాంగ ధర్మాసనం ఈ అంశాన్ని సమీక్షించే అవకాశం కూడా ఉందని సుప్రీంకోర్టు అభిప్రాయపడింది. శాస్త్రీయ పద్ధతుల ద్వారా మరణశిక్ష అమలుపై కేంద్ర ప్రభుత్వం కూడా తగిన నిర్ణయం తీసుకోవచ్చని పేర్కొంది. సీనియర్ న్యాయవాది రిషి మల్హోత్రా 2017లో ఈ పిల్ను దాఖలు చేశారు. అప్పటి క్రిమినల్ ప్రొసీజర్ కోడ్లోని సెక్షన్ 354(5) ప్రకారం మరణశిక్షను ఉరి ద్వారా అమలు చేయడాన్ని సవాల్ చేస్తూ ఆయన కోర్టును ఆశ్రయించారు. ఉరికి బదులుగా ప్రాణాంతక ఇంజెక్షన్ వంటి ప్రత్యామ్నాయ పద్ధతిని అమలు చేయాలని పిటిషనర్ సూచించారు. ప్రపంచంలోని పలు దేశాల్లో ఉరికి బదులుగా ఇతర విధానాలను ఉపయోగిస్తున్న విషయాన్ని కూడా ప్రస్తావించారు. మరణశిక్ష అమలు విధానాలపై ప్రభుత్వం ఉన్నత స్థాయిలో చర్చలు జరుపుతోందని అటార్నీ జనరల్ ఆర్. వెంకటరమణి కోర్టుకు తెలిపారు. అయితే విషపూరిత ఇంజెక్షన్ ద్వారా మరణశిక్ష అమలు చేసే విధానం కూడా అనేక సందర్భాల్లో ఆశించిన విధంగా పనిచేయడం లేదని సీనియర్ న్యాయవాది మీనాక్షి అరోరా వాదించారు. ఈ అంశాన్ని పరిశీలించేందుకు ప్రత్యేక కమిటీని ఏర్పాటు చేయాలని ఆమె కోరారు. ప్రస్తుతం ఉరి విధానం కొనసాగుతున్నప్పటికీ, భవిష్యత్తులో శాస్త్రీయంగా నిరూపితమైన ప్రత్యామ్నాయ పద్ధతులు అందుబాటులోకి వస్తే వాటిపై న్యాయపరమైన సమీక్షకు అవకాశం ఉంటుందని సుప్రీంకోర్టు తీర్పు స్పష్టం చేసింది. also read : అజిత్ పక్కన ఇద్దరు స్టార్ హీరోలు.. డేర్డెవిల్ కు ఊహించని కాంబినేషన్…!

Tag: India

Most Read

జపాన్‌లో మరోసారి భారీ భూకంపం.. టోక్యోలోనూ ప్రకంపనలు

హర్మూజ్ జలసంధిపై ట్రంప్ సంచలన వ్యాఖ్యలు.. అమెరికా భూభాగమేనంటూ మ్యాప్ విడుదల!

ప్రాంక్ మెసేజ్‌తో బయటపడిన బెట్టింగ్ బాగోతం.. ఫ్లాట్‌లో రూ.30 లక్షలు బట్టబయలు

పిల్లల ఆధార్ బయోమెట్రిక్ అప్‌డేట్‌పై UIDAI కీలక ప్రకటన.. సెప్టెంబర్ 30లోపు ఈ పని పూర్తి చేయండి!

EDITOR PICKS

ఉరికి ప్రత్యామ్నాయం కోరిన పిల్.. సుప్రీంకోర్టు సంచలన వ్యాఖ్యలు

త్వరలో బంగ్లాదేశ్‌కు తిరిగి వెళ్తా.. అరెస్టైనా, చంపినా వెనక్కి తగ్గను: షేక్ హసీనా

IND vs ENG 5th T20: వైట్‌వాష్ ముప్పులో టీమిండియా.. చివరి మ్యాచ్ అయినా గెలిచేనా?

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags