రాష్ట్రపతి ద్రౌపది ముర్ముకు మేడారం జాతర ఆహ్వానం

క్రైమ్ మిర్రర్ తెలంగాణ ఇన్వెస్టిగేషన్ బ్యూరో: 2026 మేడారం మహా జాతరకు 2025 డిసెంబర్ 21న రాష్ట్ర మంత్రులు సీతక్క, కొండా సురేఖ, అడ్లూరి లక్ష్మణ్ కుమార్ సికింద్రాబాద్‌లోని రాష్ట్రపతి నిలయంలో ఆమెను కలిసి ఆహ్వాన పత్రికను అందజేశారు.

అనంతరం మేడారం ఆచారాల ప్రకారం సమ్మక్క తల్లి చీర, కంకణం, కండువా మరియు ‘బంగారం’ (బెల్లం ప్రసాదం) రాష్ట్రపతికి సమర్పించారు. ఈ సందర్బంగా ఈ గిరిజన ఉత్సవ విశిష్టతను అడిగి తెలుసుకున్న రాష్ట్రపతి, జాతరకు వచ్చేందుకు తప్పకుండా ప్రయత్నిస్తానని హామీ ఇచ్చారు.

జాతర తేదీలు: మేడారం సమ్మక్క-సారలమ్మ మహా జాతర 2026 జనవరి 28 నుండి 31 వరకు నాలుగు రోజుల పాటు జరగనుంది.

జాతర షెడ్యూల్ (2026):
జనవరి 28: సారలమ్మ, పగిడిద్దరాజు, గోవిందరాజు గద్దెలకు రాక.
జనవరి 29: చిలకలగుట్ట నుండి సమ్మక్క తల్లి గద్దెపైకి రాక.
జనవరి 30: భక్తుల మొక్కులు, కానుకల సమర్పణ.
జనవరి 31: దేవతల వనప్రవేశం