ఉత్తరాఖండ్ రాష్ట్రంలో విషాదకర ఘటన చోటుచేసుకుంది. అదనపు కట్నం కోసం భర్త నుంచి వస్తున్న వేధింపులు తట్టుకోలేక ఒక ప్రభుత్వ ఉపాధ్యాయురాలు ఆత్మహత్యకు పాల్పడిన ఘటన కలకలం రేపుతోంది.
శ్రీకోట్ ప్రాంతానికి చెందిన సృష్టి కందారి అనే యువతి ప్రభుత్వ పాఠశాలలో ఉపాధ్యాయురాలిగా పనిచేస్తున్నారు. ఆమెకు 2025లో హరవాలాకు చెందిన సౌరభ్ ఖత్రితో వివాహం జరిగింది. వివాహం అనంతరం నుంచి అదనపు కట్నం కోసం భర్త, అతని కుటుంబ సభ్యులు తరచూ ఒత్తిడి తీసుకొచ్చినట్లు సమాచారం.
ఈ వేధింపుల కారణంగా తీవ్ర మానసిక ఆవేదనకు గురైన సృష్టి కందారి చివరికి ఆత్మహత్యకు పాల్పడ్డారు. ఈ దుర్ఘటనకు ముందు ఆమె ఒక వీడియో రికార్డ్ చేసినట్లు తెలిసింది. ఆ వీడియోలో ఆమె తన తల్లిని ఉద్దేశిస్తూ “క్షమించు అమ్మా… ఇక నేను భరించలేను” అని చెప్పిన మాటలు హృదయాలను కదిలిస్తున్నాయి.
ఈ ఘటనపై స్థానిక పోలీసులు కేసు నమోదు చేసి దర్యాప్తు ప్రారంభించారు. కట్న వేధింపులపై మరింత కఠిన చర్యలు తీసుకోవాలని స్థానికులు, మహిళా సంఘాలు డిమాండ్ చేస్తున్నారు.
also read: హైదరాబాద్లో TGSRTC కొత్త ప్రయోగం: ఎలక్ట్రిక్ ఆటో సేవలు ప్రారంభం