Telangana news - Crime Mirror

Weather Report: తెలుగు రాష్ట్రాలైన ఆంధ్రప్రదేశ్, తెలంగాణలో వాతావరణ పరిస్థితులు ఒక్కసారిగా మారిపోతుండటంతో ప్రజలు అప్రమత్తంగా ఉండాలని వాతావరణశాఖ హెచ్చరికలు జారీ చేసింది. రానున్న 4 రోజుల పాటు విస్తృతంగా వర్షాలు కురిసే అవకాశం ఉందని తెలిపింది. పలు జిల్లాల్లో ఈదురుగాలులు, ఉరుములు, పిడుగులతో కూడిన భారీ వర్షాలు పడనున్నాయని అంచనా వేస్తోంది. ఇప్పటి వరకు ఎండలు తీవ్రరూపం దాల్చి ప్రజలను తీవ్ర ఇబ్బందులకు గురిచేసిన నేపథ్యంలో, మంగళవారం సాయంత్రం నుంచి మొదలైన వర్షాలు కొంత ఉపశమనం కలిగించినప్పటికీ, ఈ అకాల వర్షాలు రైతులకు మాత్రం భారీ నష్టాన్ని మిగుల్చుతున్నాయి. ఇప్పటికే పలు ప్రాంతాల్లో పంటలు దెబ్బతిన్నాయని రైతులు ఆవేదన వ్యక్తం చేస్తున్నారు. ఈ పరిస్థితుల్లో తమను ఆదుకోవాలని ప్రభుత్వాలను రైతులు కోరుతున్నారు. అకాల వర్షాల నేపథ్యంలో ప్రజలు జాగ్రత్తగా ఉండాలని ప్రభుత్వాలు సూచనలు జారీ చేస్తున్నాయి. తెలంగాణలోని పలు జిల్లాలకు వాతావరణశాఖ ఆరెంజ్ అలర్ట్ ప్రకటించింది. నేటి నుంచి మే 7 వరకు నాగర్ కర్నూల్, ములుగు, జయశంకర్ భూపాలపల్లి, మహబూబాబాద్ జిల్లాల్లో భారీ వర్షాలు కురిసే అవకాశం ఉందని తెలిపింది. అలాగే నల్లగొండ, ఖమ్మం, రంగారెడ్డి, వరంగల్, సూర్యాపేట, భద్రాద్రి కొత్తగూడెం, హన్మకొండ జిల్లాల్లో పిడుగులతో కూడిన వర్షాలు పడనున్నాయని వెల్లడించింది. హైదరాబాద్ నగరానికి కూడా వర్ష సూచన జారీ చేయబడింది. నగరంలో ఈ రోజు, రేపు వర్షాలు కురిసే అవకాశం ఉందని వాతావరణ అధికారులు పేర్కొన్నారు. ప్రస్తుతం హైదరాబాద్లో నమోదవుతున్న 42 డిగ్రీల ఉష్ణోగ్రతలు సుమారు 3 డిగ్రీల మేర తగ్గే అవకాశముందని అంచనా వేస్తున్నారు. ఈ నెల 8 వరకు ఉష్ణోగ్రతలు కొంత తగ్గుముఖం పడనున్నాయి. అటు ఆంధ్రప్రదేశ్లో కూడా వర్షాలు కొనసాగుతున్నాయి. అమరావతి వాతావరణ కేంద్రం ప్రకారం రానున్న 3 రోజుల పాటు రాష్ట్రంలోని పలు జిల్లాల్లో వర్షాలు కురిసే అవకాశముంది. బుధవారం వైఎస్సార్ కడప, చిత్తూరు, తిరుపతి, శ్రీసత్యసాయి, కోనసీమ, కాకినాడ, అనకాపల్లి, విశాఖపట్నం, పోలవరం, అల్లూరి సీతారామరాజు, పార్వతీపురం మన్యం, శ్రీకాకుళం, విజయనగరం జిల్లాల్లో వానలు పడనున్నాయని తెలిపింది. ఈ జిల్లాలకు పిడుగుపాటు హెచ్చరికలు కూడా జారీ చేయబడిన నేపథ్యంలో ప్రజలు మరింత అప్రమత్తంగా ఉండాలని సూచించారు. ముఖ్యంగా రైతులు, వ్యవసాయ కూలీలు జాగ్రత్తలు తీసుకోవాలని, ఉరుములు మెరుపులు సంభవించే సమయంలో చెట్ల కింద నిలబడవద్దని హెచ్చరించారు. మరోవైపు రాష్ట్రంలోని పలు ప్రాంతాల్లో ఇంకా ఎండ తీవ్రత తగ్గకపోవడంతో ప్రజలు వడగాల్పులతో ఇబ్బందులు పడుతున్నారు. కొన్ని ప్రాంతాల్లో వర్షాలు కురుస్తుండగా, మరికొన్ని చోట్ల ఎండలు తీవ్రంగా ఉండటం గమనార్హం. కొన్ని జిల్లాల్లో ఉష్ణోగ్రతలు 45 డిగ్రీల వరకు నమోదవుతున్నాయి. ALSO READ: స్టీల్ ప్లాంట్కు కేంద్రం బూస్టర్ డోస్…! రూ. 8097 కోట్ల కేటాయింపు…

Tag: Telangana news

Most Read

BIG BREAKING: బిజెపిలోకి కోమటిరెడ్డి రాజగోపాల్ రెడ్డి…!?

గ్రేటర్ లో గులాబీ రివర్స్ స్కెచ్…!

బాలిక అనుమానాస్ప‌ద మృతి….! గ్రామంలో విషాదం…

మహారాష్ట్ర సీఎం దేవేంద్ర ఫడ్నవీస్ తో పవన్ కళ్యాణ్ భేటీ…! పులుల సంర‌క్ష‌ణ పై చ‌ర్చా….

EDITOR PICKS

హైదరాబాద్ ట్రాఫిక్ అలర్ట్: జులై 1 నుంచి ఐఐఐటీ జంక్షన్ వద్ద భారీ ఆంక్షలు – మూడు నెలలపాటు రోడ్ మూసివేత

గచ్చిబౌలి ఫ్లైఓవర్‌పై ఘోర రోడ్డు ప్రమాదం.. స్కూటీని ఢీకొన్న బుల్లెట్ – ఇద్దరు మృతి

బావిలో మొసలి.. అర్పణపల్లిలో టెన్షన్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel