వికారాబాద్ జిల్లాలోని ధరూర్ మండలం చింతకుంట గ్రామంలో తీవ్ర విషాదం చోటుచేసుకుంది. వాసవి అనే మహిళ తన ఇద్దరు పిల్లలతో కలిసి ప్రాణాలు కోల్పోయిన ఘటన స్థానికంగా కలకలం రేపింది. తల్లి తన ఇద్దరు పిల్లలకు ఉరివేసిన అనంతరం తాను కూడా ఆత్మహత్యకు పాల్పడినట్లు ప్రాథమిక సమాచారం.
ఈ ఘటనతో గ్రామంలో విషాదఛాయలు అలుముకున్నాయి. ఒకే కుటుంబానికి చెందిన ముగ్గురు మృతి చెందడంతో స్థానికులు తీవ్ర దిగ్భ్రాంతికి గురయ్యారు. సమాచారం అందుకున్న పోలీసులు వెంటనే గ్రామానికి చేరుకుని ఘటనా స్థలాన్ని పరిశీలించారు. అనంతరం మృతదేహాలను స్వాధీనం చేసుకుని తదుపరి చర్యలు చేపట్టారు.
ఈ ఘటనకు దారితీసిన పరిస్థితులు ఏమిటన్నది ప్రస్తుతం తెలియాల్సి ఉంది. కుటుంబ నేపథ్యం, ఇతర కారణాలపై పోలీసులు ఆరా తీస్తున్నారు. కేసు నమోదు చేసి అన్ని కోణాల్లో దర్యాప్తు కొనసాగిస్తున్నారు. పోలీసుల విచారణ పూర్తయితేనే ఈ విషాద ఘటనకు సంబంధించిన పూర్తి వివరాలు వెల్లడయ్యే అవకాశం ఉంది.
also read: ఏపీకి మరో తుపాను ముప్పు.. ఆదివారం సాయంత్రం అవకాశం.. రెండు రోజుల పాటు భారీ వర్షాలు!