క్యాన్సర్తో పోరాడుతూ జీవితం చివరి దశలో ఉన్న ఓ తండ్రి తన చిన్న కుమారుడికి చెప్పిన మాటలు సోషల్ మీడియాలో భావోద్వేగాన్ని రేకెత్తిస్తున్నాయి. ఈ ఘటన చూసిన ప్రతి ఒక్కరి మనసును తాకుతూ, తండ్రి-కొడుకు అనుబంధం ఎంత గొప్పదో మరోసారి గుర్తుచేస్తోంది.
సాధారణంగా తండ్రి అంటే కుటుంబానికి అండగా నిలిచే నీడ. కానీ ఆ నీడ ఎప్పటికీ దూరమవుతుందని ఊహించడం కూడా చాలా కష్టం. చిన్న వయస్సులో తండ్రి విలువ అంతగా అర్థం కాకపోయినా, కాలక్రమేణా ఆయన ప్రాధాన్యం ఎంత గొప్పదో తెలుస్తుంది. తండ్రి అనే బంధం ప్రత్యేకమైనది. ఆ పిలుపు మరెవరితోనూ భర్తీ చేయలేనిది.
ఇటీవల వైరల్ అవుతున్న ఈ వీడియోలో, మంచంపై కూర్చున్న తండ్రి తన చిన్న కుమారుడితో ఎంతో ప్రేమగా మాట్లాడుతున్నాడు. తన ఆరోగ్యం క్షీణిస్తున్నప్పటికీ, కుమారుడి భవిష్యత్తు గురించి ఆలోచిస్తూ కొన్ని ముఖ్యమైన సూచనలు చేస్తాడు. ఇకపై అల్లరి చేయకూడదని, అమ్మ మాట వినాలని, తన చెల్లెళ్లను జాగ్రత్తగా చూసుకోవాలని చెబుతాడు.
Father talking to his son for the last time 💔
In a deeply moving and heartbreaking moment, a father battling terminal cancer left a poignant final message for his young son, Mantra,
Before passing away. In his last words, he gently instructed Mantra to always listen to his… pic.twitter.com/S578O8xeKX— Woke Eminent (@WokePandemic) July 29, 2026
అంతేకాకుండా, తాను లేని తర్వాత ధైర్యంగా ఉండాలని, ఎవరిని అడిగి బాధపడకూడదని చెప్పి, మనస్ఫూర్తిగా తనను గుర్తు చేసుకుంటే ఎప్పుడూ తనతోనే ఉంటానని హృదయాన్ని కదిలించే మాటలు చెబుతాడు. ఆ మాటలను వింటూ చిన్నారి అమాయకంగా తల ఊపడం, తండ్రి కళ్లలో నీరు కనిపించడం ఈ వీడియోను మరింత భావోద్వేగంగా మారుస్తోంది.
ఈ ఘటనను చూసిన నెటిజన్లు తమ భావాలను వ్యక్తం చేస్తూ కామెంట్లు చేస్తున్నారు. తండ్రి ప్రేమ, బాధ్యత, కుటుంబంపై ఉన్న ఆప్యాయత ఈ వీడియోలో స్పష్టంగా కనిపిస్తోందని పలువురు పేర్కొంటున్నారు.
also read: ఇండోర్ వృద్ధాశ్రమంలో బాలుడి దౌర్జన్యం… వీడియో వైరల్