క్రైమ్ మిర్రర్, తెలంగాణ స్టేట్ బ్యూరో: తెలంగాణ రాష్ట్ర ప్రభుత్వం ప్రత్యక్ష నియామకాల ద్వారా భర్తీ చేసే ప్రభుత్వ ఉద్యోగాల గరిష్ఠ వయోపరిమితిని 34 ఏళ్ల నుంచి 44 ఏళ్ల పెంచుతూ అధికారికంగా జీవో నంబర్ 86 (GO No 86) జారీ చేసింది. ఈ నిర్ణయం ద్వారా వయస్సు పైబడటం వల్ల ఆందోళన చెందుతున్న లక్షలాది మంది నిరుద్యోగ అభ్యర్థులకు రాబోయే గ్రూప్స్, ఇతర బోర్డుల నోటిఫికేషన్లలో పోటీ పడేందుకు గొప్ప అవకాశం లభించింది.
తెలంగాణ నిరుద్యోగుల అభ్యర్థనల మేరకు తీసుకున్న ఈ ముఖ్యమైన నిర్ణయానికి సంబంధించిన పూర్తి వివరాలు, కేటగిరీల వారీగా వయోపరిమితి సడలింపులు క్రింద ఇవ్వబడ్డాయి.
అమలు కాలం: ఈ వయోపరిమితి సడలింపు మే 18, 2026 నుండి ఒక సంవత్సరం పాటు మాత్రమే అమల్లో ఉంటుంది. అంటే రాబోయే ఏడాది కాలంలో వెలువడే కొత్త ప్రత్యక్ష నియామక నోటిఫికేషన్లకు మాత్రమే ఇది వర్తిస్తుంది.
పాత నోటిఫికేషన్లు: గతంలో ఇప్పటికే జారీ చేసిన పాత నోటిఫికేషన్లకు ఈ తాజా పెంపు వర్తించదు.
మినహాయింపులు వర్తించని శాఖలు: శారీరక దారుఢ్య ప్రమాణాలు (Physical Standards) అవసరమయ్యే యూనిఫాం సర్వీసులకు ఈ వయోపరిమితి పెంపు వర్తించదు.
పోలీస్ (Police)
ఎక్సైజ్ (Excise)
ఫైర్ / అగ్నిమాపక (Fire)
జైళ్లు (Jails)
అటవీ శాఖ (Forest Department)
కేటగిరీల వారీగా గరిష్ఠ వయోపరిమితి వివరాలు…
‘తెలంగాణ స్టేట్ అండ్ సబార్డినేట్ సర్వీస్ రూల్స్’ ప్రకారం వివిధ రిజర్వేషన్ వర్గాలకు అదనపు సడలింపులు కలిపి గరిష్ఠ వయస్సు క్రింది విధంగా ఉంటుంది.
|
కేటగిరీ (Category) |
పాత వయోపరిమితి |
తాజా గరిష్ఠ వయోపరిమితి (సడలింపుతో కలిపి) |
|---|---|---|
|
జనరల్ / ఓపెన్ కేటగిరీ (OC) |
34 ఏళ్లు |
44 ఏళ్లు |
|
SC, ST, BC, EWS వర్గాలు |
39 ఏళ్లు |
49 ఏళ్లు (5 ఏళ్ల అదనపు సడలింపు) |
|
దివ్యాంగులు (Differently Abled) |
44 ఏళ్లు |
54 ఏళ్లు (10 ఏళ్ల అదనపు సడలింపు) |
