క్రైమ్ మిర్రర్, స్పోర్ట్స్:- క్రికెట్ ప్రపంచంలో భారత్-పాకిస్థాన్ జట్ల మధ్య మ్యాచ్ జరుగుతోంది అంటే అభిమానుల్లో ఉండే ఉత్సాహం, క్రేజ్ ఏ స్థాయిలో ఉంటుందో ప్రత్యేకంగా చెప్పనవసరం లేదు. ఇక ఈ రెండు జట్లు ఏకంగా ఒక మెగా టోర్నీ ఫైనల్‌లో తలపడుతున్నాయి అంటే అంచనాలు ఏ రేంజ్‌లో ఉంటాయో సులభంగానే అర్థం చేసుకోవచ్చు.
ప్రస్తుతం జరుగుతున్న ఆసియా గేమ్స్ మెన్స్ క్రికెట్ ఈవెంట్‌లో అత్యంత ఉత్కంఠభరితమైన ఫైనల్ పోరుకు నేడు సమయం ఆసన్నమైంది. ఈ ప్రతిష్టాత్మక తుదిపోరులో చిరకాల ప్రత్యర్థులైన టీమిండియా, పాకిస్థాన్ జట్లు తలపడనున్నాయి. ఇప్పటికే డిఫెండింగ్ ఛాంపియన్‌గా బరిలోకి దిగిన భారత జట్టు, మరోసారి అద్భుతమైన ప్రదర్శన కనబరిచి స్వర్ణ పతకం (గోల్డ్) కైవసం చేసుకోవాలని చూస్తోంది. హోరాహోరీగా సాగే ఈ ఫైనల్ మ్యాచ్‌లో ఓడిన జట్టుకు రజత పతకం దక్కుతుంది.
యువ ఆటగాళ్లతో కూడిన టీమిండియా ఎంతో సమతూకంతో, ఉత్సాహంతో కనిపిస్తోంది. ముఖ్యంగా యంగ్ ప్లేయర్ వైభవ్ ప్రదర్శనపై ప్రస్తుతం అందరి దృష్టి నెలకొంది. అతడి ఫామ్ భారత్‌కు ఎంతో కీలకం కానుంది. అటు పాకిస్థాన్ కూడా గట్టి పోటీ ఇచ్చేందుకు సిద్ధంగా ఉండటంతో ఈ దాయాదుల సమరం రసవత్తరంగా సాగడం ఖాయం. దేశవ్యాప్తంగా అభిమానులు ఎంతో ఆసక్తిగా ఎదురుచూస్తున్న ఈ మెగా మ్యాచ్ నేటి ఉదయం 10 గంటల నుంచి ప్రారంభం కానుంది. ఈ మ్యాచ్‌ను సోనీ స్పోర్ట్స్ నెట్‌వర్క్ ఛానెళ్లలో అభిమానులు లైవ్‌లో వీక్షించవచ్చు.
సన్‌రైజర్స్ హైదరాబాద్‌కు షాక్ ఇవ్వనున్న అభిషేక్ శర్మ.. ముంబై, గుజరాత్ జట్లతో మంతనాలు!