క్రైమ్ మిర్రర్, స్పోర్ట్స్:- ఐపీఎల్‌లో సన్‌రైజర్స్ హైదరాబాద్ (SRH) తరఫున అద్భుతమైన ఆటతీరుతో ఆకట్టుకున్న భారత యువ ఓపెనర్ అభిషేక్ శర్మ, త్వరలో ఆ జట్టును వీడే అవకాశాలు మెండుగా ఉన్నట్లు క్రీడా వర్గాల్లో జోరుగా చర్చ సాగుతోంది. ఫ్రాంచైజీ మేనేజ్‌మెంట్ తీసుకున్న కొన్ని నిర్ణయాల పట్ల అతను కొంతకాలంగా తీవ్ర అసంతృప్తితో ఉన్నట్లు వార్తలు వినిపిస్తున్నాయి. ముఖ్యంగా, గత సీజన్‌లో కమిన్స్ స్థానంలో ఇషాన్‌కు కెప్టెన్సీ బాధ్యతలు అప్పగించేందుకు అవకాశం ఇచ్చినప్పటి నుంచి ఎస్ఆర్‌హెచ్‌ మేనేజ్‌మెంట్‌పై అభిషేక్ అసహనంతో ఉన్నట్లు సంబంధిత వర్గాలు పేర్కొన్నాయి.
ఈ పరిణామాల నేపథ్యంలోనే వచ్చే ఐపీఎల్ సీజన్ నాటికి ఎలాగైనా జట్టు మారాలని అతడు గట్టిగా నిర్ణయించుకున్నట్లు సమాచారం. కొత్త జట్టు కోసం ఇప్పటికే ముంబై ఇండియన్స్, గుజరాత్ టైటాన్స్, అలాగే పంజాబ్ కింగ్స్ ఫ్రాంచైజీలతో అభిషేక్ శర్మ ముమ్మరంగా చర్చలు జరుపుతున్నట్లు తెలుస్తోంది. అయితే, ఒకవేళ అతను ఎస్ఆర్‌హెచ్‌ను వీడి వేరే ఫ్రాంచైజీకి మారినప్పటికీ, కొత్త జట్టులో అతనికి కెప్టెన్సీ అవకాశం దక్కడం మాత్రం చాలా కష్టమని క్రీడా పండితులు విశ్లేషిస్తున్నారు. ఏది ఏమైనప్పటికీ, త్వరలో జరగనున్న ఐపీఎల్ వేలానికి ముందే అభిషేక్ శర్మ భవిష్యత్తుపై మరియు తదుపరి జట్టుపై పూర్తి స్థాయిలో స్పష్టత రానుంది.
యువతనూ వణికిస్తున్న బ్రెయిన్ స్ట్రోక్.. ఈ ముందస్తు హెచ్చరికలు గుర్తిస్తే ప్రాణాపాయం తప్పుతుంది!