బ్రిటన్ రాజకుటుంబ చరిత్రలో ప్రత్యేక గుర్తింపు పొందిన ప్రిన్సెస్ డయానాకు సంబంధించిన ఓ ప్రముఖ దుస్తులు మరోసారి వార్తల్లో నిలిచాయి. డయానా ధరించిన ‘రివెంజ్ డ్రెస్’గా ప్రసిద్ధి చెందిన ఈ నల్లటి దుస్తులు త్వరలో వేలానికి రానున్నాయి. దీంతో ఈ డ్రెస్ ఎంత ధరకు అమ్ముడవుతుందనే ఆసక్తి నెలకొంది.
1994లో ప్రిన్స్ చార్లెస్ తన వివాహేతర సంబంధాన్ని బహిరంగంగా అంగీకరించిన సమయంలో డయానా ఈ దుస్తులను ధరించి ఓ కార్యక్రమానికి హాజరయ్యారు. ఆ సమయంలో ఆమె ఎంచుకున్న దుస్తులు, ఆమె కనిపించిన తీరు ప్రపంచవ్యాప్తంగా పెద్ద చర్చకు దారితీశాయి. అందుకే ఈ దుస్తులకు ‘రివెంజ్ డ్రెస్’ అనే పేరు ప్రాచుర్యంలోకి వచ్చింది.
ఆఫ్-షోల్డర్ డిజైన్తో, నలుపు రంగులో ఎంతో ఆకర్షణీయంగా ఉండే ఈ దుస్తులు డయానా ఫ్యాషన్ వారసత్వంలో కీలక భాగంగా మారాయి. అప్పట్లో ఆమె ధరించిన ఈ దుస్తులు కేవలం ఫ్యాషన్ స్టేట్మెంట్గానే కాకుండా, రాజకుటుంబానికి సంబంధించిన పరిస్థితుల నేపథ్యంలో ఒక బలమైన సందేశంగా కూడా భావించబడ్డాయి.
ఇప్పుడు ఈ చారిత్రక దుస్తులు వేలం ద్వారా కొత్త యజమాని చేతికి వెళ్లనున్నాయి. వేలంలో దీనికి సుమారు 3 లక్షల డాలర్ల వరకు ధర లభించే అవకాశం ఉందని అంచనాలు వినిపిస్తున్నాయి. భారత కరెన్సీలో ఈ మొత్తం దాదాపు రూ.2.5 కోట్లకు పైగా ఉండొచ్చు. డయానా అభిమానులు, రాజకుటుంబ చరిత్రపై ఆసక్తి ఉన్నవారు ఈ వేలాన్ని ఆసక్తిగా గమనిస్తున్నారు.
దశాబ్దాలు గడిచినా డయానా ధరించిన ఈ దుస్తులకు ఉన్న క్రేజ్ ఏమాత్రం తగ్గకపోవడం విశేషం. ఆమె వ్యక్తిత్వం, ఫ్యాషన్ ఎంపికలు ఇప్పటికీ ప్రపంచవ్యాప్తంగా చర్చనీయాంశంగానే ఉన్నాయి.
also read: “తెలంగాణ వచ్చినా నాకు ఒరిగిందేమీ లేదు”- ఉదయభాను సంచలన వ్యాఖ్యలు