క్రైమ్ మిర్రర్,సినిమా:- యూట్యూబర్గా తన ప్రయాణాన్ని ప్రారంభించి, సోషల్ మీడియాలో ప్రత్యేక గుర్తింపు సంపాదించిన మౌళి.. ఆ తర్వాత #90s వెబ్ సిరీస్తో నటుడిగా ప్రేక్షకులను ఆకట్టుకున్నాడు. అనంతరం లిటిల్ హార్ట్స్ సినిమాతో హీరోగా విజయాన్ని అందుకుని తనకంటూ ప్రత్యేక గుర్తింపును సొంతం చేసుకున్నాడు. ఇప్పుడు మరో కొత్త చిత్రంతో ప్రేక్షకుల ముందుకు రావడానికి సిద్ధమవుతున్నాడు. ఈ సినిమాకు దొంగ నా కొడుకు అనే ఆసక్తికరమైన టైటిల్ను ఖరారు చేయగా, తాజాగా విడుదలైన ఫస్ట్ లుక్ పోస్టర్ సోషల్ మీడియాలో చర్చనీయాంశంగా మారింది.ఈ చిత్రాన్ని ప్రముఖ నిర్మాణ సంస్థ మైత్రి మూవీ మేకర్స్ నిర్మిస్తోంది. శ్రీను కంబాల దర్శకత్వం వహిస్తున్న ఈ సినిమా క్రైమ్ కామెడీ జానర్లో రూపొందుతోంది. దొంగతనం చుట్టూ తిరిగే వినోదాత్మక కథతో పాటు థ్రిల్లింగ్ అంశాలు కూడా ఉండనున్నాయని చిత్ర బృందం తెలిపింది. యాక్షన్, కామెడీ, సస్పెన్స్ను మేళవిస్తూ అన్ని వర్గాల ప్రేక్షకులను ఆకట్టుకునేలా కథను రూపొందించినట్లు సమాచారం.ఫస్ట్ లుక్ పోస్టర్లో మౌళి చేతిలో బంగారు నగలతో నిండిన బ్యాగ్ పట్టుకుని పరుగులు తీస్తూ కనిపిస్తున్నాడు. పరుగులో ఉండగా బ్యాగ్ నుంచి నగలు కింద పడిపోతున్న దృశ్యం పోస్టర్కు మరింత ఆసక్తిని తీసుకొచ్చింది. ఈ ఒక్క పోస్టర్తోనే సినిమాలో ఆయన పాత్రపై ప్రేక్షకుల్లో ఆసక్తి పెరిగింది. టైటిల్కు తగ్గట్టుగానే కథలో వినోదంతో పాటు అనూహ్య మలుపులు కూడా ఉండబోతున్నాయనే అభిప్రాయం అభిమానుల్లో వ్యక్తమవుతోంది.
ప్రముఖ మద్యం బ్రాండ్లపై బ్యాన్!
ఈ చిత్రానికి సింజిత్ ఎర్రమిల్లి సంగీతం అందిస్తుండగా, నవీన్ యెర్నేని, వై. రవిశంకర్ నిర్మాణ బాధ్యతలు చేపట్టారు. సాంకేతిక బృందం కూడా అనుభవజ్ఞులతో కూడి ఉండటంతో సినిమాపై అంచనాలు పెరుగుతున్నాయి. ప్రస్తుతం చిత్రీకరణ శరవేగంగా కొనసాగుతున్నట్లు సమాచారం. విడుదల తేదీపై చిత్ర బృందం ఇంకా అధికారిక ప్రకటన చేయకపోయినా, త్వరలోనే మరిన్ని అప్డేట్లు వెల్లడించే అవకాశముంది.లిటిల్ హార్ట్స్ తో కుటుంబ ప్రేక్షకులను మెప్పించిన మౌళి, ఈసారి పూర్తి భిన్నమైన పాత్రలో కనిపించబోతుండటం విశేషం. ముఖ్యంగా కామెడీ టైమింగ్తో పాటు సహజ నటన ఆయనకు బలంగా నిలవడంతో, ఈ చిత్రంలో కూడా అదే ఆకర్షణగా మారే అవకాశముంది. వినోదాత్మక కథాంశంతో పాటు క్రైమ్ ఎలిమెంట్స్ను కలిపిన ఈ సినిమా యువతతో పాటు కుటుంబ ప్రేక్షకులను కూడా ఆకట్టుకుంటుందనే అభిప్రాయం సినీ వర్గాల్లో వ్యక్తమవుతోంది. ఫస్ట్ లుక్కు వచ్చిన స్పందన చూస్తే, దొంగ నా కొడుకు ఇప్పటికే ప్రేక్షకుల్లో మంచి ఆసక్తిని రేకెత్తించిందని చెప్పొచ్చు.
హర్యానాలో దారుణం: స్కూల్ టీచర్పై కత్తితో దాడి చేసి హత్య చేసిన పూర్వ విద్యార్థి