ఉత్తరప్రదేశ్లోని గోరఖ్పూర్ జిల్లాలో హృదయ విదారక ఘటన చోటుచేసుకుంది. 10 ఏళ్ల బాలికపై దారుణంగా అత్యాచారం చేసి హత్య చేసిన ఘటన స్థానికంగా తీవ్ర ఆగ్రహాన్ని రేకెత్తిస్తోంది.
సమాచారం ప్రకారం, బాధిత బాలిక తన అక్క ఆస్పత్రిలో చికిత్స పొందుతుండగా ఆమెకు ఆహారం ఇచ్చి ఇంటికి వెళ్లేందుకు బయలుదేరింది. అదే సమయంలో అక్కడ ఉన్న ఒక కానిస్టేబుల్ ఆమెను ఇంటి వద్ద దింపుతానని చెప్పి నమ్మించాడు.
ఆ నమ్మకాన్ని దుర్వినియోగం చేసిన ఆ వ్యక్తి బాలికను బైక్పై ఒంటరి ప్రదేశానికి తీసుకెళ్లి దారుణానికి పాల్పడ్డాడు. అనంతరం ఆమెను హత్య చేసి మృతదేహాన్ని సమీప నదిలో పడేసినట్లు పోలీసులు వెల్లడించారు.
బాలిక ఇంటికి తిరిగి రాకపోవడంతో కుటుంబ సభ్యులు ఆందోళన చెందుతూ పోలీసులకు ఫిర్యాదు చేశారు. దర్యాప్తు చేపట్టిన పోలీసులు సీసీటీవీ ఫుటేజీ ఆధారంగా నిందితుడిని గుర్తించి అదుపులోకి తీసుకున్నారు.
ఇదిలా ఉండగా, వైద్య పరీక్షల కోసం నిందితుడిని ఆస్పత్రికి తీసుకెళ్లిన సమయంలో బాధితురాలి కుటుంబ సభ్యులు ఆగ్రహంతో అతనిపై దాడి చేయడానికి ప్రయత్నించారు. దీంతో అక్కడ కొంతసేపు ఉద్రిక్త పరిస్థితులు నెలకొన్నాయి.
ఈ ఘటనపై పోలీసులు కేసు నమోదు చేసి పూర్తి స్థాయి విచారణ చేపట్టారు. బాధిత కుటుంబానికి న్యాయం చేయాలని స్థానికులు డిమాండ్ చేస్తున్నారు.
also read: డబ్బుల వివాదం.. కూతురిపై తండ్రి దాడి