నెల్లూరులో దారుణం.. నిద్రలో ఉన్న మహిళపై పెట్రోల్ పోసి దాడి – పరిస్థితి విషమం

ఆంధ్రప్రదేశ్‌లోని నెల్లూరు జిల్లాలో షాకింగ్ ఘటన చోటుచేసుకుంది. కోట గ్రామంలో జరిగిన ఈ సంఘటన స్థానికంగా కలకలం రేపింది. ఇంట్లో నిద్రిస్తున్న ఓ మహిళపై గుర్తు తెలియని వ్యక్తులు దాడి చేసి, ఆమెపై పెట్రోల్ పోసి నిప్పంటించినట్లు సమాచారం.

మంటలు ఒక్కసారిగా వ్యాపించడంతో బాధితురాలు తీవ్రంగా గాయపడింది. ఆమె అరుపులు విని అప్రమత్తమైన స్థానికులు వెంటనే అక్కడికి చేరుకుని మంటలను ఆర్పి, ఆమెను అత్యవసరంగా ఆస్పత్రికి తరలించారు. ప్రస్తుతం ఆమె ఆరోగ్య పరిస్థితి విషమంగా ఉన్నట్లు వైద్యులు వెల్లడించారు.

ఈ ఘటనపై సమాచారం అందుకున్న పోలీసులు వెంటనే సంఘటన స్థలానికి చేరుకుని పరిశీలించారు. కేసు నమోదు చేసి, దాడికి కారణాలు ఏమిటి? దుండగులు ఎవరు? అనే దానిపై దర్యాప్తు ప్రారంభించారు.

ఈ ఘటనతో గ్రామంలో భయాందోళనలు నెలకొన్నాయి. బాధితురాలి కుటుంబ సభ్యులు న్యాయం చేయాలని కోరుతున్నారు.

also read: కట్నం వేధింపులు భరించలేక ఉపాధ్యాయురాలి ఆత్మహత్య… సెల్ఫీ వీడియో వైరల్…