బ్రేకింగ్ న్యూస్: ఇక నుండి మున్సిపల్ కార్యాలయాలకు వెళ్లే పని లేదు

• వాట్సాప్ సేవ ద్వారా నేరుగా పిర్యాదు చేయొచ్చు..!

• సైబరాబాద్ మున్సిపల్ కార్పొరేషన్ (CMC): 90634 21347.

• మల్కాజిగిరి మున్సిపల్ కార్పొరేషన్ (MMC): 90634 21300. 

• జీహెచ్ఎంసీ (GHMC): 8125966586.

క్రైమ్ మిర్రర్, తెలంగాణ స్టేట్ బ్యూరో: తెలంగాణ ఫ్రభుత్వం ప్రజలకు తమ సమయం వృధా కాకుండా సరి కొత్త విధానాన్ని అందుబాటులోకి తీసుకొచ్చింది. హైదరాబాద్ నగరంలో పారిశుద్ధ్య సమస్యలపై ప్రజలు వేగంగా ఫిర్యాదు చేసేందుకు జీహెచ్ఎంసీ (GHMC) ఒక కొత్త వాట్సాప్ (WhatsApp) సేవను ప్రారంభించింది. ఈ కొత్త సేవ వల్ల ప్రజలు మున్సిపల్ కార్యాలయాలకు వెళ్లే పని లేకుండా, తమ మొబైల్ నుండే సులభంగా ఫిర్యాదు చేసే అవకాశం కలుగుతుంది.

ఫిర్యాదు చేయాల్సిన నంబర్

పారిశుద్ధ్య సమస్యల కోసం జీహెచ్ఎంసీ కేటాయించిన ప్రత్యేక వాట్సాప్ నంబర్: 8125966586.

ఎలా ఫిర్యాదు చేయాలి?

మీరు ఈ క్రింది దశలను అనుసరించి ఫిర్యాదు చేయవచ్చు:

ముందుగా మీ ఫోన్‌లో 81259 66586 నంబర్‌ను సేవ్ చేసుకోండి.

సమస్య ఉన్న ప్రదేశాన్ని (ఉదాహరణకు రోడ్డుపై చెత్త, నిండిపోయిన డబ్బాలు) ఫోటో తీయండి.

ఆ ఫోటోను మరియు ఆ ప్రాంతం యొక్క గూగుల్ లొకేషన్ (Location) వివరాలను పైన పేర్కొన్న వాట్సాప్ నంబర్‌కు పంపండి.

ఫిర్యాదు అందగానే సంబంధిత పారిశుద్ధ్య బృందాలు వెంటనే సమస్యను పరిష్కరిస్తాయి.

ఏయే సమస్యలపై ఫిర్యాదు చేయవచ్చు?

ఈ వాట్సాప్ సేవ ద్వారా ప్రధానంగా ఈ క్రింది సమస్యలను నివేదించవచ్చు:

రోడ్లపై పేరుకుపోయిన చెత్త.

నిండిపోయిన లేదా క్లియర్ చేయని చెత్త డబ్బాలు (Dustbins).

భవన నిర్మాణ వ్యర్థాలు (Debris).

మురుగు కాలువల్లో (Nalas) పేరుకుపోయిన పూడిక.

మొక్కలు, చెట్ల వ్యర్థాల తొలగింపు.