హైదరాబాద్, క్రైమ్మిర్రర్: పాన్ ఇండియా స్టార్ ప్రభాస్ వరుస భారీ ప్రాజెక్టులతో బిజీగా ఉన్న సంగతి తెలిసిందే. ఇటీవల విడుదలైన ది రాజాసాబ్ ఆశించిన విజయాన్ని అందుకోకపోయినా, ప్రస్తుతం ఆయన చేతిలో ఉన్న సినిమాలపై అభిమానుల్లో భారీ అంచనాలు నెలకొన్నాయి. ఈ క్రమంలో బాలీవుడ్ దర్శకుడు ఆదిత్య ధర్ ప్రభాస్ను కలిసి కొత్త కథ వినిపించారనే వార్త సినీ వర్గాల్లో హాట్ టాపిక్గా మారింది. ప్రస్తుతం ప్రభాస్ సందీప్ రెడ్డి వంగ దర్శకత్వంలో తెరకెక్కుతున్న స్పిరిట్ చిత్రంతో పాటు హను రాఘవపూడి దర్శకత్వంలో మరో ప్రాజెక్ట్లో నటిస్తున్నారు. ఈ రెండు సినిమాల తర్వాత సలార్ 2, కల్కి 2898 AD పార్ట్ 2 వంటి భారీ చిత్రాలు కూడా లైన్లో ఉన్నాయి. ఇదే సమయంలో దురంధర్ చిత్రంతో గుర్తింపు తెచ్చుకున్న దర్శకుడు ఆదిత్య ధర్ ప్రభాస్ కోసం ప్రత్యేకంగా ఓ యాక్షన్ కథను సిద్ధం చేసినట్లు ప్రచారం జరుగుతోంది.
Also Read:తుని చిన్నారి జ్ఞానేశ్వరి మిస్సింగ్ కేసు: కీలక ప్రకటన చేసిన DSP… ‘పాపను అప్పగిస్తే కేసు లేదు’
సమాచారం ప్రకారం, ఈ కథ పూర్తిగా హై-వోల్టేజ్ యాక్షన్ బ్యాక్డ్రాప్లో సాగుతుందని తెలుస్తోంది. ప్రభాస్ స్క్రీన్ ప్రెజెన్స్, నటనలోని ఇంటెన్సిటీని హైలైట్ చేసేలా ప్రతి సన్నివేశాన్ని దర్శకుడు రూపొందించినట్లు టాక్ వినిపిస్తోంది. కథ విన్న తర్వాత ప్రభాస్ కూడా సానుకూలంగా స్పందించినట్లు ఇండస్ట్రీలో చర్చ సాగుతోంది. అయితే దీనిపై అధికారిక ప్రకటన మాత్రం ఇంకా వెలువడలేదు. ఆదిత్య ధర్ తన గత చిత్రాల్లో యాక్షన్ను భావోద్వేగాలతో మిళితం చేసి ప్రేక్షకులను ఆకట్టుకున్నారు. అదే తరహాలో ప్రభాస్తో మరింత భారీ స్థాయిలో సినిమా తెరకెక్కించాలని ఆయన భావిస్తున్నట్లు తెలుస్తోంది. ఈ కాంబినేషన్కు గ్రీన్ సిగ్నల్ లభిస్తే షూటింగ్ ప్రారంభం కావడానికి మరో రెండు నుంచి మూడు సంవత్సరాలు పట్టే అవకాశం ఉందని సినీ వర్గాలు అంచనా వేస్తున్నాయి.
Also Read:కేతన్ హత్య కేసులో సంచలనం – నిశ్చితార్థం సమయంలోనే రహస్య వివాహం?
ప్రభాస్కు ప్రపంచవ్యాప్తంగా ఉన్న మార్కెట్ను దృష్టిలో పెట్టుకుని ఆదిత్య ధర్ ఈ కథను రూపొందించినట్లు కూడా ప్రచారం జరుగుతోంది. బాలీవుడ్ హీరోల కంటే ప్రభాస్ ఇమేజ్ ఈ కథకు మరింత న్యాయం చేస్తుందని దర్శకుడు భావించినట్లు సమాచారం. ప్రస్తుతం ఈ ప్రాజెక్ట్పై అధికారిక ప్రకటన లేకపోయినా, ప్రభాస్–ఆదిత్య ధర్ కాంబినేషన్ నిజమైతే మరో భారీ పాన్ ఇండియా యాక్షన్ ఎంటర్టైనర్ ప్రేక్షకుల ముందుకు వచ్చే అవకాశం ఉందని అభిమానులు ఆసక్తిగా ఎదురుచూస్తున్నారు.
Also Read:వయనాడ్ ఘటన: ఐదుగురికి చేరిన మృతుల సంఖ్య
