హైదరాబాద్, క్రైమ్మిర్రర్: గాడ్ ఆఫ్ మాసెస్ నందమూరి బాలకృష్ణ, స్టార్ దర్శకుడు కొరటాల శివ కాంబినేషన్లో తెరకెక్కుతున్న ప్రతిష్టాత్మక చిత్రం NBK 112 పై అంచనాలు రోజురోజుకూ పెరుగుతున్నాయి. ఇటీవల ఘనంగా ప్రారంభమైన ఈ సినిమా ఇప్పుడు షూటింగ్కు సిద్ధమవుతోంది. తాజా సమాచారం ప్రకారం ఆగస్టు రెండో వారం నుంచి కీలకమైన యాక్షన్ షెడ్యూల్ ప్రారంభం కానుంది. ఈ షెడ్యూల్లో ఏకంగా 20 రోజుల పాటు నాన్స్టాప్గా హై వోల్టేజ్ యాక్షన్ సన్నివేశాలు చిత్రీకరించనున్నట్లు తెలుస్తోంది.
Also Read:Radha Gayatri Death Case: రాధాగాయత్రి కేసులో షాకింగ్ టర్న్.. కలెక్టర్ కీలక నిర్ణయం!
ఈ యాక్షన్ ఎపిసోడ్స్ను బాలయ్య స్టైల్కు తగ్గట్టుగా భారీ స్థాయిలో డిజైన్ చేస్తున్నారని ఇండస్ట్రీ వర్గాలు చెబుతున్నాయి. పవర్ఫుల్ ఫైట్లు, భారీ సెట్లు, గ్రాండ్ విజువల్స్తో ఈ సన్నివేశాలు సినిమాకే ప్రధాన ఆకర్షణగా నిలుస్తాయని టాక్ వినిపిస్తోంది. కొరటాల శివ సినిమాలకు ప్రత్యేక గుర్తింపైన బలమైన సామాజిక సందేశం ఈ చిత్రంలోనూ ఉండబోతుందని సమాచారం. కమర్షియల్ అంశాలతో పాటు భావోద్వేగాలు, సోషల్ మెసేజ్ను సమతూకంగా మిళితం చేస్తూ కథను రూపొందించినట్లు తెలుస్తోంది. ఈ నేపథ్యంలో బాలకృష్ణ పాత్రను కూడా గత చిత్రాలకు భిన్నంగా డిజైన్ చేసినట్లు సినీ వర్గాలు చెబుతున్నాయి.
Also Read:అయ్యో అయ్యర్.. తొలి విజయం ఇంకెన్నాళ్లు!
ఈ సినిమా కోసం బాలయ్య కొత్త లుక్లో కనిపించనున్నారనే ప్రచారం కూడా జోరుగా సాగుతోంది. ఆయన గెటప్, బాడీ లాంగ్వేజ్, క్యారెక్టర్ డిజైన్పై దర్శకుడు ప్రత్యేక శ్రద్ధ తీసుకున్నట్లు సమాచారం. అభిమానులు ఇప్పటివరకు చూడని స్టైలిష్, పవర్ఫుల్ అవతారంలో బాలయ్య కనిపించే అవకాశం ఉందని టాక్. సినిమాలో వచ్చే ఫ్లాష్బ్యాక్ ఎపిసోడ్ కథకు ప్రధాన బలంగా నిలుస్తుందని మరో వార్త వైరల్ అవుతోంది. ముఖ్యంగా ఈ భాగం మాఫియా బ్యాక్డ్రాప్లో సాగుతుందని, కథలో కీలక మలుపులను తీసుకురానుందని సినీ వర్గాల్లో ప్రచారం జరుగుతోంది. ఈ ఎపిసోడ్ను భారీ స్థాయిలో తెరకెక్కించేందుకు మేకర్స్ ప్రత్యేకంగా ప్లాన్ చేస్తున్నట్లు సమాచారం.
Also Read:ఫోన్ ఎక్కువగా చూడడం వల్ల ముసలితనం వస్తుందా…? నిపుణులు ఏమి చెబుతున్నారంటే
ఇదిలా ఉండగా, బాలీవుడ్ నటి విద్యా బాలన్ ఈ చిత్రంలో బాలకృష్ణకు జోడీగా నటించే అవకాశమున్నట్లు వార్తలు వస్తున్నాయి. అయితే దీనిపై చిత్రబృందం నుంచి ఇంకా అధికారిక ప్రకటన వెలువడలేదు. అయితే ప్రస్తుతం సోషల్ మీడియాలో వైరల్ అవుతున్న ఈ వివరాలపై మేకర్స్ నుంచి అధికారిక ధృవీకరణ రావాల్సి ఉంది. అయినప్పటికీ బాలయ్య-కొరటాల శివ కాంబినేషన్పై ఇప్పటికే భారీ అంచనాలు నెలకొనగా, ఈ తాజా అప్డేట్ అభిమానుల్లో మరింత ఉత్సాహాన్ని నింపుతోంది.
Also Read:నల్లమల శాసనాల్లో అమరావతి చారిత్రక ఆనవాళ్లు: ఉప ముఖ్యమంత్రి పవన్ కళ్యాణ్
