tollywood news - Crime Mirror

సినిమా ప్రపంచం అంటే చాలా మందికి కలల లోకం. అవకాశాలు, పేరు, ప్రఖ్యాతి కోసం యువత పెద్ద ఎత్తున ఇండస్ట్రీ వైపు అడుగులు వేస్తుంటారు. కానీ అందరికీ అదే విధంగా సక్సెస్ దక్కదు. ముఖ్యంగా కొంతమంది అమ్మాయిలు అవకాశాల కోసం వస్తూ, మోసపోయి జీవితాలను కోల్పోతున్న ఘటనలు ఆందోళన కలిగిస్తున్నాయి. అలాంటి విషాదకర ఘటనలో భాగంగా, హీరోయిన్ కావాలనే ఆశతో హైదరాబాద్కు వచ్చిన ఒక యువతి దురదృష్టకర పరిస్థితుల్లో ప్రాణాలు కోల్పోయింది. షార్ట్ ఫిల్మ్స్లో నటిస్తూ తనకంటూ ఒక గుర్తింపు సంపాదించుకోవాలని ప్రయత్నించిన అమూల్య శ్రీ అనే యువతి, కొంతమంది దుర్మార్గుల వేధింపులు తట్టుకోలేక ఆత్మహత్యకు పాల్పడినట్లు సమాచారం. తండ్రి లేని పరిస్థితుల్లో, తల్లి సహకారంతో ఇండస్ట్రీలో స్థిరపడాలని అమూల్య నగరానికి వచ్చింది. ప్రారంభంలో చిన్న చిన్న అవకాశాలు దక్కించుకుని, తన ప్రతిభను నిరూపించుకోవాలని ప్రయత్నించింది. అయితే, ఆమె వ్యక్తిగత గోప్యతను దుర్వినియోగం చేసిన కొందరు వ్యక్తులు, ప్రైవేట్ వీడియోలతో బెదిరింపులకు దిగినట్లు ఆరోపణలు వినిపిస్తున్నాయి. గత కొంతకాలంగా ఆమెపై ఒత్తిడి పెంచుతూ, తమ కోరికలు నెరవేర్చాలని, లేకపోతే వీడియోలను బయటపెడతామని బెదిరించినట్లు తెలిసింది. ఈ పరిస్థితుల్లో తీవ్ర మానసిక ఒత్తిడికి గురైన అమూల్య, ఈ సమస్య నుంచి బయటపడలేక దురదృష్టకర నిర్ణయం తీసుకున్నట్లు చెబుతున్నారు. ఇక బాధితురాలు ముందుగా పోలీసులను ఆశ్రయించినప్పటికీ సరైన స్పందన రాలేదని కుటుంబ సభ్యులు ఆరోపిస్తున్నారు. తమకు న్యాయం చేయాలని, బాధ్యులపై కఠిన చర్యలు తీసుకోవాలని వారు డిమాండ్ చేస్తున్నారు. ఈ ఘటనపై స్థానికంగా ఆగ్రహం వ్యక్తమవుతోంది. అమూల్య తల్లి కన్నీటి పర్యంతమవుతూ, తన కూతురు అనుభవించిన బాధను గుర్తుచేసుకుంది. తన కుమార్తెకు న్యాయం జరగాలని, బాధ్యులందరిని శిక్షించాలని ఆమె కోరుతోంది. ఈ ఘటన సోషల్ మీడియాలో చర్చనీయాంశంగా మారింది. ఎంతో భవిష్యత్తు ఉన్న యువతి ఇలా మానసిక వేధింపులకు గురై ప్రాణాలు కోల్పోవడం బాధాకరం అని నెటిజన్లు స్పందిస్తున్నారు. ఇలాంటి ఘటనలు మళ్లీ జరగకుండా కఠిన చర్యలు అవసరమనే అభిప్రాయాలు వ్యక్తమవుతున్నాయి. also read: ఐఫోన్ వల్లే జననాల రేటు పడిపోయిందా? షాకింగ్ స్టడీ!

Tag: tollywood news

Most Read

అనంతబాబుకు సుప్రీంకోర్టులో షాక్.. బెయిల్ పిటిషన్ తిరస్కరణ

బెంగళూరులో భారీ పేలుడు.. ఫుట్‌పాత్‌పై వెళ్తున్న వ్యక్తికి గాయాలు

తిరుమల శ్రీవారి సన్నిధిలో తమన్నా.. ‘ఈరోజు దర్శనం ఎంతో ప్రత్యేకం’ అంటూ ఆసక్తికర వ్యాఖ్యలు

డ్రగ్స్‌ నుంచి యువతను రక్షించడమే లక్ష్యం- నారా లోకేశ్

EDITOR PICKS

జైలర్ 2 సెన్సార్ పూర్తి.. రజినీకాంత్ మూవీ రన్‌టైమ్ ఎంతంటే?

ఐటీ సోదాలపై రకుల్ ప్రీత్ సింగ్ ఆగ్రహం.. తనపై వస్తున్న వార్తలపై క్లారిటీ

హుషారు-2పై ఆసక్తి పెంచుతున్న మేకర్స్.. ఈసారి మరింత ఫన్, మ్యాడ్‌నెస్!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags