Suryapet - Crime Mirror

క్రైమ్ మిర్రర్ : సూర్యాపేట జిల్లా పెన్పహాడ్ మండలం నూర్జహాన్పేట గ్రామంలో విషాదకర ఘటన చోటుచేసుకుంది. భార్యపై అనుమానంతో భర్త దాడి చేయడంతో ఆమె మృతి చెందినట్లు పోలీసులు తెలిపారు. ఈ ఘటన సోమవారం రాత్రి గ్రామంలోని సీసీ రోడ్డుపై చోటుచేసుకుంది. పోలీసులు, స్థానికుల వివరాల ప్రకారం.. గ్రామానికి చెందిన బానోతు రవి, అతని భార్య సునీత (36) మధ్య కొంతకాలంగా కుటుంబ విషయాలపై తరచూ వివాదాలు జరుగుతున్నాయి. భార్యపై అనుమానం వ్యక్తం చేస్తూ రవి ఆమెను వేధించేవాడని, గతంలో పలుమార్లు బెదిరించినట్లు కుటుంబ సభ్యులు తెలిపారు. సోమవారం రాత్రి సుమారు 7 గంటల సమయంలో సునీత తన కుమారుడు శ్రీశాంత్కు ఫోన్ చేసింది. భర్తతో గొడవ జరుగుతోందని, తనకు భయంగా ఉందని ఆమె కుమారుడికి చెప్పినట్లు సమాచారం. ఆ తర్వాత రాత్రి 9 గంటల సమయంలో రవి మరోసారి సునీతతో గొడవకు దిగినట్లు పోలీసులు తెలిపారు. ఈ క్రమంలో ఆమెపై దాడి చేయడంతో తీవ్రంగా గాయపడింది. స్థానికులు వెంటనే స్పందించి 108 అంబులెన్స్లో సునీతను సూర్యాపేట ప్రభుత్వ ఆసుపత్రికి తరలించారు. అయితే అప్పటికే ఆమె మృతి చెందినట్లు వైద్యులు నిర్ధారించారు. తల్లి మృతి విషయం తెలుసుకున్న కుమారుడు శ్రీశాంత్ ఆసుపత్రికి చేరుకున్నాడు. అనంతరం తన తల్లి మృతికి కారణమైన తండ్రిపై చర్యలు తీసుకోవాలని కోరుతూ పెన్పహాడ్ పోలీసులకు ఫిర్యాదు చేశాడు. కుమారుడి ఫిర్యాదు ఆధారంగా పోలీసులు కేసు నమోదు చేశారు. సీఐ జి. రాజశేఖర్ ఆధ్వర్యంలో ఘటనపై దర్యాప్తు కొనసాగుతోంది. మృతదేహానికి పోస్టుమార్టం నిర్వహించిన అనంతరం తదుపరి చర్యలు చేపట్టనున్నట్లు పోలీసులు తెలిపారు. also read : వరద ఉధృతికి కొట్టుకుపోయిన టీచర్.. స్థానికుల చొరవతో సురక్షితం

Tag: Suryapet

Most Read

ఢిల్లీ ఎయిర్‌పోర్టులో కలకలం.. ప్రయాణికుడి బ్యాగులో కోతి పుర్రె!

ఆస్పత్రి నుంచి డిశ్చార్జ్ అయిన జూనియర్ ఎన్టీఆర్‌.. 2- 3 నెలలు విశ్రాంతి అవసరమని వైద్యుల సూచన

రెడ్ కార్పెట్‌పై ఊహించని ముద్దు.. నికిత రావల్ షాకింగ్ రియాక్షన్

రూ.271 కోట్ల పెంట్‌హౌస్‌.. దేశ రియల్ ఎస్టేట్‌లో సంచలనం!

EDITOR PICKS

భార్యపై అనుమానంతో భర్త నడిరోడ్డు పై దాడి.. భార్య మృతి

ఖమ్మం, సూర్యాపేట, నల్గొండ కు రెడ్ అలర్ట్ జారీ…!

నాటు వైద్యుడి ‘చేతబడి’ వాటం.. దిష్టి తీస్తానంటూ..!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags