#Hyderabad - Crime Mirror

హైదరాబాద్ నగరంలో మానవత్వాన్నే కలచివేసే దారుణ ఘటన వెలుగులోకి వచ్చింది. ప్రియుడిపై మోజుతో కన్న కూతురినే అడ్డుగా భావించిన ఓ తల్లి, అత్యంత కిరాతకంగా తన ఆరేళ్ల చిన్నారిని హత్య చేయడం తీవ్ర సంచలనంగా మారింది. వివాహేతర సంబంధం కారణంగా తన భవిష్యత్తుకు కూతురు అడ్డుగా ఉందని భావించిన మహిళ, చిన్నారిని నీటి ట్యాంకులో పడేసి చంపేసిన ఘటన స్థానికులను షాక్కు గురిచేస్తోంది. ఈ దారుణం హైదరాబాద్లోని అల్వాల్ పోలీస్ స్టేషన్ పరిధిలో బయటపడింది. పోలీసులు తెలిపిన వివరాల ప్రకారం ఓల్డ్ అల్వాల్ ప్రాంతానికి చెందిన రేఖ అనే 27 ఏళ్ల మహిళకు కొన్నేళ్ల క్రితం రాజు అనే వ్యక్తితో వివాహమైంది. వీరికి తన్విక అనే 6 ఏళ్ల కుమార్తె ఉంది. అయితే దాంపత్య విభేదాల కారణంగా భర్తతో విడిపోయిన రేఖ ప్రస్తుతం తన తల్లిదండ్రుల వద్ద నివసిస్తోంది. ఈ క్రమంలో స్థానికంగా కిరాణా దుకాణంలో పనిచేస్తున్న సాయి అనే 21 ఏళ్ల యువకుడితో ఆమెకు పరిచయం ఏర్పడి, అది వివాహేతర సంబంధంగా మారింది. ప్రియుడిని పెళ్లి చేసుకోవాలని రేఖ తరచూ ఒత్తిడి తెచ్చినట్లు తెలుస్తోంది. అయితే ఇప్పటికే ఆమెకు ఒక కుమార్తె ఉండటంతో పెళ్లికి అంగీకరించలేనని సాయి స్పష్టం చేసినట్లు సమాచారం. దీంతో తన పెళ్లికి తన్విక అడ్డుగా ఉందని భావించిన రేఖ, చిన్నారిని హత్య చేయాలని నిర్ణయించుకున్నట్లు పోలీసులు తెలిపారు. ఈ నెల 16న ఇంట్లో ఎవరూ లేని సమయంలో రేఖ తన కుమార్తెను ఇంటి డాబాపైకి తీసుకెళ్లింది. అనంతరం అక్కడ ఉన్న నీటి ట్యాంకులో చిన్నారిని పడేసి మూతపెట్టింది. ఆ తర్వాత ట్యాంకును పూర్తిగా నీటితో నింపినట్లు దర్యాప్తులో వెల్లడైంది. ఈ ఘాతుకానికి పాల్పడిన తర్వాత కూడా ఏమీ తెలియనట్టుగా నటిస్తూ, తన కుమార్తె కనిపించడం లేదంటూ కుటుంబ సభ్యులతో కలిసి వెతికినట్లు నాటకం ఆడింది. చిన్నారి కనిపించకపోవడంతో రేఖ సోదరి పోలీసులకు ఫిర్యాదు చేసింది. కేసు నమోదు చేసిన పోలీసులు పరిసర ప్రాంతాల్లోని సీసీటీవీ దృశ్యాలను పరిశీలించారు. అందులో రేఖ తన కుమార్తెతో కలిసి డాబాపైకి వెళ్లి, కొద్దిసేపటి తర్వాత ఒంటరిగా కిందకు రావడం స్పష్టంగా కనిపించింది. దీంతో అనుమానం వచ్చిన పోలీసులు ఆమెను అదుపులోకి తీసుకుని విచారించగా, చివరకు నేరాన్ని అంగీకరించింది. ఈ ఘటనతో స్థానికులు తీవ్ర దిగ్భ్రాంతికి గురయ్యారు. కన్న తల్లే ఇంత దారుణానికి పాల్పడటం మానవత్వానికి మచ్చ అని ఆవేదన వ్యక్తం చేస్తున్నారు. పోలీసులు రేఖపై హత్య కేసు నమోదు చేసి అరెస్టు చేశారు. అలాగే ప్రియుడు సాయి పాత్రపై కూడా కేసు నమోదు చేసి పూర్తి స్థాయిలో దర్యాప్తు కొనసాగిస్తున్నారు. ALSO READ: ప్రేమంటే ఇదేరా!.. భార్యపై ప్రేమతో పక్కనే సమాధి కట్టించుకున్న భర్త

Tag: #Hyderabad

Most Read

అనంతబాబుకు సుప్రీంకోర్టులో షాక్.. బెయిల్ పిటిషన్ తిరస్కరణ

బెంగళూరులో భారీ పేలుడు.. ఫుట్‌పాత్‌పై వెళ్తున్న వ్యక్తికి గాయాలు

తిరుమల శ్రీవారి సన్నిధిలో తమన్నా.. ‘ఈరోజు దర్శనం ఎంతో ప్రత్యేకం’ అంటూ ఆసక్తికర వ్యాఖ్యలు

డ్రగ్స్‌ నుంచి యువతను రక్షించడమే లక్ష్యం- నారా లోకేశ్

EDITOR PICKS

దసరా ప్రయాణికులకు గుడ్‌న్యూస్.. 7 వేల ప్రత్యేక బస్సులు, కొత్త సదుపాయం

శంషాబాద్ ఎయిర్‌పోర్టులో భారీగా బంగారం పట్టివేత.. అండర్‌వేర్‌లో రూ.2.25 కోట్ల గోల్డ్ బిస్కెట్లు!

ప్రిస్క్రిప్షన్ లేకుండా మత్తు మందుల విక్రయాలు.. హైదరాబాద్‌లో 111 మెడికల్ షాపులకు నోటీసులు

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags