#Andrapradesh - Crime Mirror

•స్థలం కేటాయించాలని కోరుతున్న తెలంగాణ నాయకులు •ఏపీ ప్రభుత్వం సానుకూల నిర్ణయం తీసుకునే అవకాశం క్రైమ్ మిర్రర్, తెలంగాణ బ్యూరో:- హైదరాబాదులో మాజీ ముఖ్యమంత్రి నందమూరి తారక రామారావు విగ్రహాన్ని ఆవిష్కరించిన సంగతి తెలిసిందే. అయితే దీని తర్వాత ఏపీలో తెలంగాణ నేతల విగ్రహాలు పెట్టాలని డిమాండ్లు ప్రారంభం అయ్యాయి. ప్రొఫెసర్ జయశంకర్ విగ్రహంతో పాటు దేశ ప్రధానమంత్రిగా పనిచేసిన ఏకైక తెలుగు నేత పివి నరసింహారావు విగ్రహాన్ని అమరావతిలో ఏర్పాటు చేయాలని కోరుతున్నారు తెలంగాణ నేతలు. కాళోజి, దాశరధి, సి నారాయణరెడ్డి వంటి తెలంగాణ రచయితల విగ్రహాలు పెట్టేందుకు ఏపీ ప్రభుత్వం అనుమతులు మంజూరు చేయాలన్న డిమాండ్ కూడా పెరుగుతోంది. ఇప్పుడు ఇదే హాట్ టాపిక్ అవుతోంది. * ఎన్టీఆర్ విగ్రహ ఆవిష్కరణతో.. హైదరాబాద్ లోని అమీర్పేట మైత్రివనంలో నందమూరి తారక రామారావు విగ్రహాన్ని సీఎం రేవంత్ రెడ్డి ఆవిష్కరించిన సంగతి తెలిసిందే. ఈ క్రమంలో కొందరు తెలంగాణ నేతలు ఇప్పుడు అమరావతిలో సైతం తెలంగాణ ప్రముఖుల విగ్రహాలను ఏర్పాటు చేయాలని ఏపీ ప్రభుత్వాన్ని కోరుతున్నారు. తాజాగా బిజెపి తెలంగాణ అధికార ప్రతినిధి రాణి రుద్రమ రెడ్డి ఏపీ ప్రభుత్వానికి విజ్ఞప్తి చేశారు. ఇప్పటికే నందమూరి తారక రామారావు, ఎస్పీ బాలసుబ్రమణ్యం విగ్రహాలు హైదరాబాదులో ఏర్పాటు అయ్యాయని.. ఇదే స్ఫూర్తితో ఏపీలో కూడా స్థలం కేటాయిస్తే తెలంగాణ వైతాళికుల విగ్రహాలు ఏర్పాటు చేస్తామని ఆమె విజ్ఞప్తి చేశారు. ఈ మేరకు సోషల్ మీడియాలో ట్వీట్ చేశారు. దీనిపై ఏపీ ప్రభుత్వం సానుకూలంగా స్పందించే అవకాశం ఉంది. ఎందుకంటే రెండు రాష్ట్రాల మధ్య మరోసారి సెంటిమెంటును రగిలించి రాజకీయం చేయాలనుకుంటున్నాయి కొన్ని రాజకీయ పార్టీలు. అందుకే వారికి అవకాశం ఇవ్వకుండా.. మరోసారి ప్రజల మధ్య విభజన రేఖ రాకుండా ఈ విగ్రహాల ఏర్పాటుకు ఏపీ ప్రభుత్వం గ్రీన్ సిగ్నల్ ఇచ్చే అవకాశం ఉంది. * అమరావతిలో ప్రముఖుల విగ్రహాల సరసన.. ఇప్పటికే అమరావతి రాజధానిలో మహనీయుల విగ్రహాల ఏర్పాటుకు ప్రభుత్వం నడుం బిగించింది. మాజీ ప్రధాని అటల్ బిహారీ వాజ్పేయి విగ్రహాన్ని కూడా ఏర్పాటు చేయనుంది. నందమూరి తారక రామారావు తో పాటు ప్రముఖుల విగ్రహాల ఏర్పాటుకు నిర్ణయించింది. గతంలో పీవీ నరసింహారావు విషయంలో తెలుగుదేశం సానుకూల నిర్ణయం తీసుకున్న సంగతి తెలిసిందే. ఈ దేశ ప్రధానిగా అవకాశం దక్కించుకున్న ఆయనను ఏకగ్రీవంగా ఎంపీగా ఎన్నుకుంది. తప్పకుండా తెలంగాణ నుంచి వచ్చిన విజ్ఞప్తి మేరకు పీవీ నరసింహారావు విగ్రహానికి కచ్చితంగా స్థలం కేటాయించే అవకాశం ఉంది. ఆపై సి నారాయణరెడ్డి, దాశరధి, కాళోజి, తెలంగాణ నటుడు కాంతారావు, భాగవతాన్ని తెలుగులో రచించిన బమ్మెర పోతన విగ్రహాలను ఏర్పాటు చేస్తామని తెలంగాణ నేతలు ముందుకు వస్తున్నారు. దీనిపై ఏపీ ప్రభుత్వం సానుకూలంగా నిర్ణయం తీసుకునే అవకాశం ఎక్కువగా ఉంది. చూడాలి మరి ఏం జరుగుతుందో.

Tag: #Andrapradesh

Most Read

గోదావరిలో విషాదం.. ఏఈ నూకరాజు భార్య మీనా మృతదేహం లభ్యం

ఢిల్లీలో దారుణం.. సాఫ్ట్‌వేర్ ఇంజినీర్‌పై బంధువుల దాడి.. ప్రాణాలు కోల్పోయిన యువకుడు

బిహార్‌లో ఘోర రోడ్డు ప్రమాదం.. ఆర్కెస్ట్రాపైకి దూసుకెళ్లిన బస్సు.. ఐదుగురు మృతి

పహల్గామ్ ఉగ్రదాడి కేసులో హఫీజ్ సయీద్‌కు NIA సమన్లు.. పాక్ లో ఉన్న సయీద్‌కు నోటీసులు పంపేందుకు సిద్ధం

EDITOR PICKS

అకౌంట్లోకి రూ.13వేలు.. ‘తల్లికి వందనం’ దరఖాస్తులకు ఆగస్టు 3 వరకు అవకాశం!

విస్తరిస్తున్న కరోనా.. 32కి చేరిన కేసులు!

అసెంబ్లీ బరిలో కింజరాపు రామ్మోహన్ నాయుడు

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags