క్రైమ్ మిర్రర్,అమరావతి:- ఆంధ్రప్రదేశ్ రాష్ట్రంలో స్థానిక సంస్థల ఎన్నికల నిర్వహణకు రాష్ట్ర ప్రభుత్వం సిద్ధంగా ఉన్నట్లు ఉన్నత న్యాయస్థానం (హైకోర్టు)కు స్పష్టం చేసింది. స్థానిక సంస్థల ఎన్నికలు, బీసీ జనాభా లెక్కింపు అంశాలపై హైకోర్టులో తాజాగా విచారణ జరిగింది. ఈ సందర్భంగా రాష్ట్ర ప్రభుత్వం తరఫున అడ్వొకేట్ జనరల్ (ఏజీ) శ్రీనివాస్ న్యాయస్థానానికి ప్రభుత్వ నిర్ణయాలను, తాజా సమాచారాన్ని తెలియజేశారు.పూర్తయిన సమగ్ర కుటుంబ సర్వే:ఎన్నికల సన్నాహాల్లో భాగంగా చేపట్టిన సమగ్ర కుటుంబ సర్వే ప్రక్రియ ఇప్పటికే పూర్తయిందని ప్రభుత్వం కోర్టుకు వెల్లడించింది. ప్రజల్లో పారదర్శకతను పెంచే దిశగా.. ఈ సర్వే ద్వారా సేకరించిన పూర్తి డేటాను రానున్న రెండు రోజుల పాటు గ్రామ సభల ముందు ఉంచనున్నట్లు న్యాయస్థానానికి వివరించింది.స్థానిక సంస్థల ఎన్నికల్లో బీసీ రిజర్వేషన్ల ఖరారు అత్యంత కీలకమైన అంశం కావడంతో, ఆ బాధ్యతలను ప్రభుత్వం ఏకసభ్య కమిషన్కు అప్పగించిన విషయం తెలిసిందే. ఈ అంశాన్ని ప్రస్తావిస్తూ.. బీసీ రిజర్వేషన్ల ఖరారు కోసం నియమించిన ఈ ఏకసభ్య కమిషన్ తన నివేదికను అతి త్వరలోనే ప్రభుత్వానికి సమర్పిస్తుందని ఏజీ శ్రీనివాస్ హైకోర్టుకు విన్నవించారు.ఈ పరిణామాలతో ఆంధ్రప్రదేశ్లో స్థానిక సంస్థల ఎన్నికల సందడి త్వరలోనే మొదలుకానున్నట్లు స్పష్టమవుతోంది.
పెళ్లిపై రష్మిక మందన్న సంచలన వ్యాఖ్యలు: ‘సమాజం పెట్టిన రూల్స్ పాటించాల్సిన అవసరం లేదు!
తెలంగాణ ప్రజలకు బిగ్ అలర్ట్.. వరుసగా 3 రోజుల పాటు రిజిస్ట్రేషన్లు బంద్
