తమిళనాడులోని తిరువణ్ణామలై జిల్లాలో విషాద ఘటన చోటుచేసుకుంది. అగ్నివీర్ ఆర్మీ రిక్రూట్మెంట్ క్యాంప్లో పాల్గొన్న ఓ యువకుడు పరుగు పరీక్ష సమయంలో ప్రాణాలు కోల్పోయాడు.
20 ఏళ్ల గోకుల్ అనే యువకుడు ఆర్మీలో చేరాలనే లక్ష్యంతో రిక్రూట్మెంట్ ప్రక్రియకు హాజరయ్యాడు. ఇందులో భాగంగా నిర్వహించిన రన్నింగ్ టెస్ట్లో పాల్గొన్న సమయంలో ఒక్కసారిగా అస్వస్థతకు గురై కుప్పకూలిపోయాడు.
వెంటనే అక్కడి సిబ్బంది ప్రాథమిక చికిత్స అందించి ఆస్పత్రికి తరలించారు. అయితే అప్పటికే యువకుడు మృతి చెందినట్లు వైద్యులు నిర్ధారించారు.
ఈ ఘటనపై పోలీసులు ప్రాథమికంగా దర్యాప్తు చేపట్టారు. సరైన శిక్షణ లేకుండా ఒక్కసారిగా ఎక్కువ దూరం పరుగెత్తడం వల్లే ఈ ఘటన జరిగి ఉండొచ్చని అధికారులు వెల్లడించారు.
ఆర్మీలో చేరాలనే కలతో వచ్చిన యువకుడు ఇలా మృతి చెందడంతో కుటుంబ సభ్యులు, స్థానికులు తీవ్ర విషాదంలో మునిగిపోయారు. రిక్రూట్మెంట్ పరీక్షలకు హాజరయ్యే అభ్యర్థులు శారీరకంగా సిద్ధమై, తగిన శిక్షణతో పాల్గొనాలని నిపుణులు సూచిస్తున్నారు.
also read: ప్రేమ పేరుతో వేధించాడు.. గుడికి పిలిచి తాళి కట్టాడు.. అనంతరం తాళి తీసుకొని వెళ్లిపోయాడు